VOV4.K’ho – Ngai 29/5, Mpồl tam klac cau ùr càr Dak Lak bơyai lơh pơrjum “Tam pà mờng chài broă lơh chồl pràn broă lơh sa mpồl bal bơh cau ùr atbồ”. Tàm pơrjum, ală kuang bàng neh tơr gùm tam pà 2, 3 tơngume kuơmàng bè: Ală gùng dà, broă lơh bơh Đảng, dà lơgar dong kờl hợp tác xã halà mpồl lơh broă bal in lơh broă geh cồng nha; ală bơta gơ rềng tus cồng nha lơh broă bơh Hợp tác xã dê mờ mờng chài tàm broă atbồ, đơng pơlam hợp tác xã lơh broă geh cồng nha.

Pơrjum kung cribơyai bè broă lơh hòi jà cau ùr, kuơmàng là cau ùr kòn cau tus bal tàm hợp tác xã; ală kal ke, kòl yan tàm broă lơh hợp tác xã dê. Jat Mpồl tam klac cau ùr càr Dak Lak yal, ală tơngume tàm pơrjum geh pơgồp bơnah ai tơlik lài ală broă lơh geh cồng nha, là bơnàng jă nàng pơn jat tai đơng lam, hòi jà, dong kờl ală mpồl tă bơsong kal ke, pơn jat tai crơng gơs mờ tơnguh cồng nha broă lơh sa mpồl bal tàm tơngai tus.

Cau mblàng K’Duẩn