VOV4.K’ho- Tơnơ\ dùl tơngai ai mut lơh broă, Tiah ơm yah ngài tơr gùm bal Trung đoàn Kảnh sát Cơ động Tây Nguyên, Cơ sở 2- Bộ Kuang àng, ơm tàm kơi sồ 6, sơnah [òn Tân Hoà, [òn dờng Buôn Ma Thuột, càr Dak Lak, neh dờp mờ ai ơm yah ngài g^t nđờ rơ hiang nă cau. Tàm do, mờ bơta sền gròi niam ngan bơh ală y, bác sỹ, mờ bơta drơng broă jơh nùs bơh kuang bàng, cau ling Kảnh sát Cơ động dê, ală cau ơm yah ngài tàm do kung gam gàr niam sơl nùs nhơm chờ hờp mờ bơta pin dờn tàm dơ\ sơn dră wơl mờ kòp Covid-19.                                                       

Rê wơl tàm Dak Lak tơnơ\ dơ\ lòt nhơl tàm Đà Nẵng tàm tơngai Đà Nẵng gam geh uă cau bơtờp kòp Covid-19, bi Nguyễn Thị Mỹ Linh, ơm tàm xã Cư Kpô, kơnhoàl Krông Buk, càr Dak Lak neh tus hìu sơnơm kơnhoàl dê yal mờ gah lơh sơnơm in mờ ơm yah ngài is tàm hìu. Mơya tu\ g^t jơnau yal bè cau kòp sồ 448 lòt bơh Đà Nẵng rê tàm [òn dờng Buôn Ma Thuột tàm rơndeh bơh hìu rơndeh Quốc Trung dê, đì bal tàm dùl rơndeh mờ he, bi Linh neh sơr băc mhar yal mờ gah lơh sơnơm in mờ geh jun mut tàm tiah ơm yah ngài tàm Trung đoàn Kảnh sát Cơ động Tây Nguyên. Tàm ală ngai ơm tàm do, 2 nă mè mơ kòn geh ală y bác sỹ kham pràn kơl dang să jan, sền gròi jơh nùs den iang nùs ngan.

Tài bơh đì bal dùl rơndeh, den tàng jơh bal mè mờ kòn pal mut ơm tam cah is, mut ơm tàm do kung geh tơl nă cau sền gròi, kham pràn kơl dang să jan sùm sơl, kis tàm do kung niam ngan, sa sào wil tơl.

Cau lơh broă gah lơh sơnơm ai jơnau yal cau dùl nă să is dê bơh ală cau tus tàm tiah ơm yah ngài tơr gùm bal

Kung bè bi Linh sơl, tơnơ\ 1 poh ơm yah ngài tàm Trung đoàn Kảnh sát Cơ động, 3 nă mè mờ kòn bi Huỳnh Thị Huệ, ơm tàm Sơn Lộc 3, xã Cư Bao, thị xã Buôn Hồ rê bơh tiah gơbàn kòp Đà Nẵng neh rơ hời quèng mờ rài kis tàm tiah do dê. Pah ngai, bi mờ ală kòn geh ală y, bác sỹ đo să jan, kham pràn kơl dang să jan, mblàng yal broă lơh rcang sơn dră kòp, geh dong kờl 3 dơ\ sào mờ ală phan ngui pah ngai, phan ngui sa kờ` pal geh den bi iang nùs ngan ơm yah ngài nàng sền gàr pràn kơl dang să jan ai să tờm, hìu bơnhă mờ mpồl bơtìan in.

A` go\ ơm tàm do ală y, bác sỹ drơng broă niam ngan, phan sa dà hùc geh tơl. A` geh 2 nă kòn dềt den a` kung kơlôi ngan bè phan sa dà hùc mơya phan sa tàm do kung li la ngan, 2 nă kòn a` dê sa kung bơkah ngan sơl den a` kung iang nùs.

Ờ mìng mè kòn bi Linh, bi Huệ lơm gời mờ jơh ală cau mut ơm tàm tiah ơm yah ngài do ndrờm rơ hời quèng mờ rài kis tàm tiah do mờ sơlơ sền dờng màng ală nùs nhơm bơh kuang bàng, cau ling, mpồl lơh sơnơm dê mờ ală broă lơh ngềt ngơ\t.

Tu\ do, tiah ơm yah ngài Trung đoàn Kảnh sát Cơ động Tây Nguyên geh pơ gap 20 nă cau drơng broă tàm hơ\ geh ală y, bác sỹ mờ kuang bàng, cau ling kảnh sát bơh Trung đoàn dê. Pah ngai, khi pal dờp broă lơh uă ngan, bơh broă ơm gak đah bơdìh gàr niam bơta lơngap lơngai mờ ờ do ờ dă tàm tiah ơm yah ngài in tus broă dờp, jòi g^t lòt rê nàng tam cah cau kòp; kham pràn kơl dang să jan, đo să jan ai tơl nă cau kòp in 2 dơ\ 1 ngai; lơh kloh [ồm sơnơm gơ sơ\t khuẩn jơh gùt tiah ơm yah in; dờp mờ phàt phan sa ai tơl nă cau in….

Jun piang sa tus tàm cơldu\ ai làng bol tàm tiah ơm yah ngài in m yah ngài tơr gùm bal

Mờ bơta lơh broă uă tàm tu\ mpồl cau lơh broă den dùl ết den ală cau drơng broă lơh tàm tiah do ờ geh tu\ jiơ ơm rlô, ngai rlô, kung bè geh dùl dơ\ b^c lơhă wil tơl. Bulah bè hơ\, tài bơh pràn kơl dang să jan mpồl bơtìan dê mờ kơ\p kờ` at tê bal kơryan kòp den khi neh mờ gam pơn đơl pràn lơh ngan ai jơh bơta pràn să jan dê. Bác sỹ Y Jim My  ÊNuôl, drơng broă tiah ơm yah ngài Trung đoàn Cảnh sát Cơ động Tây Nguyên đơs:

Tàm mpồl lơh broă bơh bol a` dê geh 1 nă bác sỹ mờ 2 nă điều dưỡng mờ bol a` geh ntoat lơh 2 mpồl. Tàm do, geh tam pà gơs 3 mpồl mờ tơl mpồl geh broă lơh krơi is. Bulah soh phan bè do den duh ngan mờ broă lơh bè do den lơh bơta sơn dră să jan bol a` dê gơmù te\. Tu\ do, bol a` gam lơh ngan nàng lơh gơs kơnòl broă tài bơta kuơ bal dê.

Tềng đap bơta gơlik geh kal ke bơh kòp Covid-19 dê, broă ngui broă lơh yal tơng^t gah lơh sơnơm in mờ lơh jat broă ơm yah ngài gơ wèt mờ ală cau bơh tiah gơbàn kòp rê là broă lơh geh cồng nha ngan nàng pleh mờ kòp bơtờp uă. 14 ngai lơh jat broă lơh ơm yah ngài là ờ jo\ dilah tơl nă làng bol tơnguh uă bơta g^t wă mờ lơh ngan lơh broă bal mờ gah lơh broă geh gơ noar dê.

Cau cih Nam Trang- Cau mblàng K’ Hạnh