VOV4.K’ho – Tềng đăp bơta kòp Mers- CoV neh bơtờp tàm ală lơgar tàm tiah do mờ digơlan lơh bơtờp tàm lơgar Việt Nam, lơh jat niam jơnau sồr bơh Gah lơh sơnơm dà lơgar dê, Anih duh broă làng bol càr Dak Lak neh geh broă rơndăp lơh rcang sơndră kòp do tàm càr. Tềng đăp mat, ờ hềt geh cau lơi bơtờp kòp Mers- CoV tàm Việt Nam, gah lơh sơnơm càr Dak Lak bơtơl 600 tơlak priă nàng blơi phan ngui rcang sơndră lài, phan ngui lơh sơnơm, dà sơnơm kờ` ngui tàm broă lơh rcang sơndră wơl mờ kòp mờ lơh ală broă lơh bơto pơlam rcang sơndră kòp, lòt sền, gròi sền, mblàng yal…Hìu sơnơm dờng càr Dak Lak là tiah geh dờp, sơm kòp dilah geh cau gơbàn kòp do. Hìu sơnơm neh ai gah sơm kòp lơh bơtờp ngui nàng lơh tiah sơm kòp ai cah ơm is, bơtơl tai ală măy mok, phan ngui kờ` ngan, bè: Măy tă nhơm, gùng ding oxy, mờ ală bơta sơnơm jat jơnau cih bơh Gah lơh sơnơm dà lơgar dê.

                 Cau mblàng Lơ Mu K’ Yến