VOV4.K’ho- Ală nam do, ală srơh tàm pơr lòng kờ` gơboh dà lơgar tàm càr Dak Lak rề ơnàng, jrô ơnàng tàm jơh ală gah, mờ uă ngan broă lơh uă mờ lila. Tàm hơ\ pơn rơ ngan là srơh tàm pơr lòng kờ` gơboh dà lơgar tàm broă bơtàu tơnguh, bơto bơtê mờ bơt bơtàu [òn lơgar pa.

Cồng nha tàm pơrlòng pơn rơ ngan tàm Dak Lak là srơh “Dak Lak sơm bat tê bal bơt bơtàu [òn lơgar pa”. Nam 2015, gùt càr mìng geh 7/152 xã tơl khà [òn lơgar pa. Tus lồi nam do, càr kờp du\ geh 61 xã tơl khà broă lơh do dê. {òn dờng Buôn Ma Thuột  neh lơh sir broă lơh [òn lơgar pa. Uă broă lơh lơh sa pa ai cồng nha lơh sa uă neh hời rơ hời tam gơl muh mat [òn lơgar dê.  Pơn rơ ngan là hợp tác xã Tà` phan kòn cau Tơng Bông, xã Ea Kao, [òn dờng Buôn Ma Thuột. Mò H’Yam Bkrông, Kuang atbồ Hợp tác xã pà g^t, mờ bơta kơ\p kờ` prap gàr bơta niam chài bơh jơi bơtìan dê, mò neh rcang jòi broă lơh di pal mờ bơta geh ngan bơh tiah do dê, khin cha bơcri priă lơh, lơh niam rùp să phan bơna, pờ ơnàng drà kă bro. Tu\ do Hợp tác xã gam lơh geh broă lơh ai 45 nă cau lơh broă in, priă lơh geh dùl nam là 1 tơmàn 200 tơlak đong, priă lơh geh bơh cau lơh broă dê kờp bal 3 tơlak 500 rơbô đong dùl nhai. Mò H’ Yam Bkrông pà g^t bè broă lơh bơtàu tơnguh bơh Hợp tác xã Tơng Bông dê:

Bơdìh mờ broă prap gàr broă tà` phan kòn cau bơh yau dê, Hợp tác xã kung pờ ơnàng tai broă nhơl chờ mpồl bơtìan tàm hơ\ yal tơng^t tai bè bơta niam chài bơh jơi bơtìan he dê bè drong cing ja` mồng, ală phan sa kòn cau dê.

Mờ broă lơh khin cha bơcri priă, lơh pa rùp să phan bơna, mò H’ Yam Bkông (cau tar mat krơh) neh dong Hợp tác xã tà` phan kòn cau Tơng Bông bơtàu tơnguh kơ\ kơl jap cèng wơl priă lơh uă ai cau lơh broă in

Tàm gah bơto bơtê, ală nam pa do, Dak Lak sùm là càr lam lài bè cồng nha tàm tiah jat kềng gah dà lềng tiah đah jum tàm gùl lơgar mờ Tây Nguyên. Lam lơh dơ\ hòi jà “Tơl klau pơgru, ùr pơgru là krơh niam nùs nhơm, bơsram is mờ bơceh pa” gùt gah neh geh uă krơh niam dùl nă să is pơn rơ ngan. Bè klau pơgru Phạm Công Tuấn, bơto môn tin học Hìu bơpsram kấp pe Chuyên Nguyễn Du, là cau neh sùm tam gơl pa broă lơh bơto bơtê, geh uă bơta bơceh pa geh ngan. Mờ gơnoar broă là Bí thư đoàn trường, bi kung neh bal mờ mpồl đoàn trường geh broă rơndap lơh mờ bơt bơtàu uă broă lơh lơh broă, lơh geh [làng nhơl chờ geh kuơ, di pal ngan ai kơnòm bơsram in.

Bơta krơi is là Hìu bơsram kấp pe chuyên bơh càr dê, kơnòl broă tờm kuơ màng là broă lơh bơto bơtê kơnòm bơsram jak. Mơya bơdìh hơ\ a` kung sùm pơlam ală kơnòm bơsram gơ gơs ală cau tryang tryồng, boto bơtê broă ờs mờng lòt bal mờ broă bơto bơtê bơta chài is.

Ồng Phạm Đông Thanh (cavart pơr hê) neh ai geh uă gùng dà broă lơh, lơh geh bơta gơn kơnờm ai ơruh pơnu Dak Lak in sơn đờm mut lơh broă

Tàm gah pơn diang phan bơna, pal tàm pơr lòng uă ngan mơ kung pal gơ dờp mờ broă lơh sa kă bro tài gơ rềng bơh kòp Covid-19, mơya Công ty TNHH pơn diang phan ôtô An Phước (Dak Lak) neh lơh geh tiah lơh broă kơ\ kơl jap mờ sùm bơtàu tơnguh. Nam pa do, công ty lơh geh mờr 140 tơmàn đong, bơsong broă lơh ai 150 nă cau lơh broă in. Cồng nha do geh gơnoar broă dờng ngan bơh cau atbồ mpồl lơh sa kă bro dê là ồng Phạm Đông Thanh. Ờ mìng sền dờng màng ngan tus broă lơh sa kă bro, tàm gơnoar broă là Chủ tịch Mpồl cau lơh sa kă bro kơnòm să càr Dak Lak, ồng gam ai tơlik uă gùng dà broă lơh, lơh geh bơta gơn kơnờm, bơta gơ kờ` ai ală gơ\p bơyô cau kơnòm să in tàm broă lơh sơn đờm mut lơh sa kă bro.

Công ty tu\ lơi kung pơn jờng oh mi ai tơlik ală jơnau bơceh lơh bơh he dê nàng bơh hơ\ rề ơnàng, lơh geh cồng nha tàm broă lơh sa kă bro. Gơ wèt mờ broă sơn đờm mut lơh broă den bol a` đơs là broă sơn đờm mut lơh broă là broă bơh mpồl cau lơh broă dê pal lơh, tài bơh bol he là ală mpồl cau lơh broă lòt lài geh kơnòl mờ rài tơnơ\ do in, geh kơnòl bè mpồl bơtìan nàng mblàng yal wơl ală bơta g^t wă, ală bơta mờng chài, ală dơ\ lơh gơtu\p gơ pừ ai ală cau kơnòm să in nàng ală bơyô kơnòm să ờ hoan gơ tu\p gơ pừ rlau.

Srơh tàm pơrlòng kờ` gơboh dà lơgar neh pơgồp bơnah dong càr Dak Lak lơh geh uă jơnau kờ` bơtàu tơnguh lơh sa – mpồl bơtìan. Tơngai bơh nam 2015-2020, lơh sa bơh Dak Lak dê lơh geh khà gơguh kờp bal 8,75% dùl nam; nam 2020 priă lơh geh kờp bal dùl nă cau kờp du\ lơh geh 55 tơlak đong; broă lơh gàr tơl niam rài kis mpồl bơtìan geh lơh niam. Ồng Nguyễn Tuấn Hà, Phó chủ tịch Thường trực UBND càr Dak Lak, pà g^t, đòm jat tai ală cồng nha neh lơh geh, càr lơh ngan bơtàu tơnguh mhar tàm tơngai tus.

Dơ\ dùl pơn jat tai lơh jat rơndap broă lơh tam gơl pa lơh sa neh geh Thủ tướng Chính phủ ki\ ring bal. Dơ\ 2 là lam lơh jat niam cồng nha Jơnau yal sồ 17 bơh Bộ Chính trị dê bè bơt bơtàu mờ bơtàu tơnguh [òn dờng Buôn Ma thuột gơ gơs là tiah drà Tiah tờm Tây Nguyên dê. Dơ\ 3 là tam gơl pa broă lơh sră nggal, lơh geh tiah lơh sa kă bro mờ dong kờl mpồl lơh sa kă bro. Ai jơnau kờ` bơh nam 2021- 2025, khà kờp tam gơl pa sră nggal geh ơm tàm mpồl 20 pơn ndrờm mờ gùt lơgar. Dơ\ 4 tai là lơh pràn bơcri priă bơt bơtàu phan bơna, dùl broă lơh kuơ màng ngan ai bơta bơtàu tơnguh càr in den pal bơt bơtàu rơndap broă lơh bơtàu tơnguh mpồl cau lơh broă geh bồ tơngoh jak, di pal mờ bơta bơtàu tơnguh nàng mut tàm dùl anih tàm dơ\ kăc màng công nghiệp 4.0

Bơta lơh ngan, nùs nhơm tam klăc bal tàm tơngai pa geh dong Dak Lak pơn jat tai tơnguh uă nùs nhơm kờ` tàm pơr lòng kờ` gơboh dà lơgar tàm ală anih lơh broă, mpồl lơh broă, bơh tơl nă kuang bàng, làng bol, pơgồp bơnah lơh geh jai pha tàm ală jơnau kờ` bơtàu tơnguh lơh sa- mpồl bơtìan tàm tơngai pa.

Cau cih Nam Trang- Cau mblàng K’ Hạnh