VOV4.K’ho- Tàm dơ̆ lơh broă mờ Mpồl kuang đơng lam bồ Tập đoàn FLC, Ban Thường vụ Tỉnh ủy Dak Lak neh ring bal gùng dà bơcri priă rơndap broă lơh Mpồl tơrgùm nhơl chờ brê bơ nơm, nhơl ñŏ lơh rài bồ tơngoh mờ ƀlàng nhơl golf tơnau dà Ea Nhái tàm xã Cuôr Đăng, kơnhoàl Cư Mgar ơnàng mờr 200 lồ.

Tàm dơ̆ lơh broă, Chủ tịch Hội đồng Quản trị Kong ti Cổ phần Tập đoàn FLC đơs nền: Rơndap broă tơrgùm bal nhơl chờ brê bơ nơm, nhơl ñŏ lơh rài bồ tơngoh mờ ƀlàng nhơl golf tơnau dà Ea Nhái tàm xã Cuôr Đăng, kơnhoàl Cư Mgar tŭ geh càr Dak Lak ring bal gùng dà bơcri priă, bal mờ bơta lơh ngan lơh broă bal bơh jơh gùt mpồl chính trị dê, kong ti geh sơn đờm lam lơh rơndap broă tàm nhai 9 nam do, tàm bă ù ơnàng 190 lồ.

Tơngai lam lơh pơgap 1 nam geh lơh gơs ƀlàng nhơl golf mờ lơyài ngan rlau jơh 2 nam geh lơh gơs jơh rơndap broă. Bí thư Tỉnh ủy Dak Lak ring bal gùng dà bơcri priă bơh Tập đoàn FLC dê tàm tiah tơnau dà Ea Nhái mờ sồr Ủy ban Nhân dân càr crơng gơs Mpồl đơng lam tơn lơh broă mờ tă bơsong ală kal ke, kòl yan ai Kong ti Cổ phần Tập đoàn FLC in tàm tŭ lam lơh rơndap broă.

Cau mblàng K’Duẩn