VOV4.K’ho – Tài pal ơm yah ngài nàng rơcang sơndră kòp Covid-19, den tàng gam rlau 26 rbô nă cau pơrlòng tàm gùt lơgar geh tus bal dơ\ pơrlòng jơh bơsram kấp 3 dơ\ 2, geh lơh bơh ngai 2 tus ngai 4/9 tus do. Tàm Dak Lak, dơ\ pơrlòng do geh rlau 4 rbô 500 nă cau geh tus bal pơrlòngtàm [òn dờng Buôn Ma Thuột. Gah lơh broă geh gơ noar neh rơcang wil tơl ai dơ\ pơrlòng do in.

Anih pơrlòng hìu bơsram kấp 3 Cao Bá Quát, [òn dờng Buôn Ma Thuột geh 480 nă cau tus bal pơrlòng. Bơh bồ nhai 8, hìu bơsram neh lơh gơs ală jơnau sồr gơ rềng tus dơ\ pơrlòng jơh bơsram kấp 3 nam 2020, tài broă gơlik geh kal ke bơh kòp Covid-19 dê, cau pơrlòng tàm anih pơrlòng do pal kơp pơrlòng dơ\ 2.

Ồng Lê Văn Kiệt, Kuang atbồ Hìu bơsram pà git: bơh sền gròi ală anih pơrlòng dơ\ 1 neh dong hìu bơsram geh tai mờng chài tàm broă bơyai lơh pơrlòng dơ\ do, ngan là broă lơh rơcang sơndră kòp:

“Mìng is bè rơcang sơndră kòp neh lơh jat nền nòn ngan, mut tàm hìu bơsram pal was khà duh să jan, pal pơn chèu glòm muh mat, kờp bal tu\ ơm tàm cơldu\ pơrlòng mờ lài mờ tu\ mut tàm cơldu\ pơrlòng kung pal ràu tê lơh kloh khuẩn, tu\ do hìu bơsram neh rơcang wil tơl bè ma\i was khà duh să jan, ală bơta sơ nơm lơh kloh khuẩn mờ sơ [ong ràu tê tàm ală hìu jă brê kung bè lài mờ tu\ mut tàm cơldu\ pơrlòng. Gàr niam ờ do ờ dă ală oh in tàm dơ\ pơrlòng”.

Tàm anih pơrlòng hìu bơsram kấp 3 chuyên Nguyễn Du, [òn dờng Buôn Ma Thuột là anih geh mờr 700 nă cau pơrlòng, broă lơh gàr niam nùs nhơm kơ nòm bơsram in iang nùs tus bal pơrlòng dơ\ 2 geh hìu bơsram sền gròi ua\ ngan. Cau pơgru sùm boh bơr mờ mè bèp kơ nòm bơsram nàng pơn jờng nùs nhơm mờ dong ală oh bơsram pơlam pơrlòng, tơnguh tai jơnau git wă. Ồng Nguyễn Đăng Bồng, kuang atbồ hìu bơsram kấp 3 chuyên Nguyễn Du đơs nền:

“Kơp kờ` bal bơh mè bèp mờ kơ nòm bơsram dê là geh pơrlòng dơ\ 1 bal mờ cau pơrlòng gùt lơgar, mơya tài lơh jat ơm yah ngài mpồl bơtìan bơh UBND càr Dak Lak dê, hìu bơsram dê neh geh ală broă lơh pơn jờng ală oh iang nùs pơrlòng dơ\ 2. Pơrlòng dơ\ 2 do, hìu bơsram rơcang wil tơl ngan ai dơ\ pơrlòng in. Bè đah kơ nòm bơsram rơcang pơrlòng bè jơnau git wă, bơta chài, nùs nhơm nàng tus bal pơrlòng. Bè phan bơna gàr niam lơngap lơngai, ờ do ờ dă rơcang ai dơ\ pơrlòng in”.

Pơrlòng jơh bơsram kấp 3 dơ\ 2 nam 2020, gùt lơgar geh 26 rbô nă cau pơrlòng bơh 27 càr, [òn dờng ờ hềt tus bal pơrlòng dơ\ 1 tài gơ rềng bơh kòp Covid-19 rơcang tus bal pơrlòng. Tài 2, 3 tiah rềp bal geh khà cau tus bal pơrlòng ờ ua\ den tàng Bộ Giáo dục mờ Đào tạo kờp du\ geh ai ală cau pơrlòng do pơrlòng bal mờ hội đồng pơrlòng tàm Dak Lak. Den tàng nàng rơcang lài tàm broă bơyai lơh pơrlòng, mò H’Yim Kđoh, Phó Chủ tịch UBND càr Dak Lak pà git:

“Tu\ do bè đah Sở Giáo dục mờ Đào tạo kung neh geh bơta rơcang lài niam ngan tàm jơh ală broă rơndap lơh rơcang gàr lài. Tàm hơ\ geh rơcang broă diglah geh cau pơrlòng tàm ală càr ndai rê hờ Dak Lak tus bal pơrlòng dơ\ 2 den Sở Giáo dục mờ Đào tạo geh dờp jơnau yal nàng rơcang wil tơl, dong cau pơrlòng kung bè kuang bàng jun cau tus bal pơrlòng. Dilah geh broă lơi kờ` dong kờl bè pria\ jền, phan bơna den mpồl đơng lam pơrlòng tàm Dak Lak geh ai mờ dong kờl ală bơta niam ngan rlau jơh cau pơrlòng in”.

Cau cih Hương Lý – Cau mblàng K’Duẩn