VOV4.K’ho– Tus drim ngai 7/10, tài gơ rềng bơh tiah mìu nhàc, tơnau dơng dà Krông Pach thượng, càr Dak Lak geh mìu, dà tàm tơnau neh sơn đờm gơguh tih. Ủy ban Nhân dân kơnhòal M’Drak pà git, tềng đap bơta mìu càl rbut geh đơs lài gơlik geh kal ke, kơnhòal neh bơyai lơh pơrjum jal mhar nàng rơcang lài sơndră mờ mìu nhàc dà ko\ dà cò, kuơmàng là tàm tiah tơnau dơng dà Krông Pach thượng.

Bal mờ broă jàu kấp xã in rơcang lài broă rơndap lơh 4 tơn tàm dùl anih, tàm ală broă gơlik geh nisơna, ngòt rơ ngơt, kơnhòal geh sơlơ ai ling klàng, kuang àng tus dong kờl ală xã nàng kờ` gàr niam ờ do ờ dă màng kis ai làng bol tiah tơnau dơng dà in. Nàng sơndră mờ mìu nhàc dà ko\ dà cò, càr neh sồr 1 mpồl kuang bàng tus pơgồp bal mờ 3 kơnhòal là Ea Kar, M’Drak mờ Krông Bông nàng sền sơ wì mờ ai tơlik ală broă lơh mùl màl tus tơl broă lơh tơnau dơng dà tu\ dà gơguh tih.

Cau mblàng K’Duẩn