VOV4.K’ho – Mho òr ( 22/6), Mpồl duh broă ờ do ờ dă gùng lòt dà lơgar neh geh dơ\ lơh broă mờ kuang đơng lam bồ càr Dak Lak nàng rơcang bơyai lơh “ Ngai chờ ờ do ờ dă gùng lòt ală kòn cau Tây Nguyên”.  “ Ngai chờ ờ do ờ dă gùng lòt ală kòn cau Tây Nguyên” geh bơyai lơh tàm ngai dơ\ 7 poh do, hơ\ là ngai 27/6 tàm [òn dờng Buôn Ma Thuột, càr Dak Lak. Jat rơndap broă, Ngai chờ geh bơyai lơh tàm [làng dờng ngai 10/3, mờ bơta tus bal bơh mờr 2.000 nă cau, tàm hơ\ uă ngan là làng bol ală kòn cau Tây Nguyên. Tàm tơngume ngai chờ, Mpồl duh broă ờ do ờ dă gùng lòt dà lơgar bơyai lơh pơrjum mut lơh rơndap broă sơlơ tơnguh ală broă lơh gàr niam ờ do ờ dă gùng lòt tàm Tây Nguyên, mờ bơta tus bal bơh 10 càr, [òn dờng tàm tiah đah jum dà lơgar.

Ồng Nguyễn Trọng Thái kuang atbồ Cơldu\ mpồl duh broă ờ do ờ dă gùng lòt dà lơgar đơs: “Ngai chờ ờ do ờ dă gùng lòt Tây Nguyên kờ` sơlơ tơnguh rlau tai broă mblàng yal, lam sồr làng bol tàm Tây Nguyên tus bal gàr niam ờ do ờ dă gùng lòt, ngan là gơwèt mờ làng bol kòn cau. Tàm hơ\ geh dơ\ ki\ jơnau pơrgon bơh mpồl duh broă ờ do ờ dă gùng lòt ală càr Tây Nguyên tàm broă sơlơ tơnguh ală broă lơh gàr niam ờ do ờ dă gùng lòt. Mpồl kung pơgồp bal mờ Anih duh broă làng bol càr Dak Lak bơyai lơh pơrjum mut lơh rơndap broă sơlơ tơnguh ală broă lơh gàr niam ngap lơngai ờ do ờ dă gùng lòt tàm Tây Nguyên. Bal mờ hơ\ bol a` jà ală tiah ndai geh gơrềng tus broă atbồ broă pơndiang phan, lòt rê tàm gơl gùng Hồ Chí Minh do.”

                                                                                 Cau mblàng K' Duẩn.