VOV4.K’ho - Tềng đăp mờ bơta kòp Covid-19 gam gơbàn kal ke, Sở Y tế càr Dak Lak neh hòi jà cau pơgru, cau bơsram dờng gah lơh sơnơm tàm ală hìu bơsram Cao đẳng, Đại học tàm càr dan cih măt tus bal rơcang sơndră mờ kòp gơtòp.

Mìng tơnơ\ mờ 1 ngai lam sồr, geh g^t nđờ rơhiang nă cau bơsram dờng gah lơh sơnơm, hìu bơsram Đại học Tây Nguyên neh cih măt  dan  pơgồp bal, dong kờl gah lơh sơnơm.

Cèng tềng tê pang sră dan tus bal rơcang sơndră mờ kòp Covid-19 geh Sở Y tế càr Dak Lak lam sồr, oh Trần Thị Thu Chinh, cau bơsram dờng nam dơ\ 4, khoa Y, hìu bơsram Đại học Tây Nguyên gơlơh ngoh rơngăc mờ pơnyờ să ngan.

            Cau bơsram dờng, hìu bơsram Đại học Tây Nguyên dan cih măt tus bal mờ broă rơcang sơndră mờ kòp Covid-19

Ngoh rongăc tài do là dơ\ sơnrờp oh geh tus bal dùl broă lơh nùs nhơm mờ uă bơta ngòt rơngơ\t mờ rềs àr.

Pơnyờ să tài să tòm di gơlan geh pơgồp bal bơta pràn dềt rơhền bơh să tòm dê tàm broă “tam dră mờ kòp gơtòp bè tam dră mờ cau sò tơm” tu\ do.

-Geh bơh tàm bơta kòp Covid-19 gam gơbàn wơl tàm càr Dak Lak mờ uă tiah ndai tàm lơgar, là dùl nă cau bơsram dờng gah Y khoa a` kơ\p kờ` mờ ală jơnau neh geh bơsram să tòm dê geh pơgồpbal dùl bơnah tàm broă rơcang sơndră mờ kòp gơtòp bè sền gròi bơta duh să jan, sền gròi bơta pràn kơl dang să jan ờ uă cau  geh pin, ală cau tìp rềp mờ cau kòp Covid-19.

Den tàng, bơh tàm jơnau lam sồr bơh Sở Y tế mờ Đoàn hìu bơsram, a` neh ơm wơl mờ dan cih măt lòt bal jăt jơnau lam sồr.

Gơwèt mờ oh Trần Đình Quý, cau bơsram dờng nam du\t ndơl khoa Y, hìu bơsram Tây Nguyên, tu\ cau bơsram dờng gah y tus bal dong kờl rơcang sơndră mờ kòp, kung là dơ\ niam nàng bơsram broă lơh mờ pơgồp bal bơta pràn să tòm nàhg kơrian mờ kòp gơtòp.

            Cau bơsram dờng khoa Y, hìu bơsram Đại học Tây Nguyên ai mhàm xét nghiệm tàm hìu sơnơm Đại học Tây Nguyên

Tàm tơl bơnah broă, broă lơh ndrờm geh ngui jơnau bơsram tàm broă lơh mùl màl cau bơsram dờng gah y dê mờ oh gam bơsram.

-Tu\ rơwah gah y oh neh g^t să tòm di gơlan geh sơrlèt mờ ală dơ\ tam dră mờ kòp gơtòp bè do, dơ\ do kung là bơta niam nàng bol a` ngui jơnau ngăc ngar bơh să tòm tu\ nggui bơsram tàm hìu bơsram nàng pơgồp bal dùl bơnah dềt ngan tàm broă tam dră mờ kòp gơtòp tu\ do.

Ală bơta ngăc ngar bol a`  neh geh hìu bơsram mờ sở y tế bơto tơl jơh, tơl nàng bol a` sền gàr is să tòm kung bè dong kờl mpồl bơtiàn.

Pơgru Vũ Nhật Phương, bơto khoa Kinh tế, Bí thư Đoàn hìu bơsram Đại học Tây Nguyên pà g^t, tu\do neh geh rơlao 210  nă cau bơsram dờng jào sră dan cih măt lòt pơgồp bal bơta pràn mờ gah lơh sơnơm tàm broă tam dră mờ kòp gơtòp.

Mpồl lơh broă nùs nhơm mìng là ală cau bơsram dờng nam du\t ndơl, neh geh bơto broă rơcang sơndră mờ kòp Covid-19 mờ neh geh tu\ tus bal tàm broă lơh do dơ\ lài.

Bơdìh mờ cau bơsram dờng lơh broă nùs nhơm, kung geh kuang bàng bơh hìu bơsram dong kờl.

-Do là dơ\ bàr ală cau bơsram dờng hìu bơsram Đại học Tây Nguyên tus bal mờ broă rơcang sơndră mờ kòp. Kung bè dơ\lài, nùs nhơm lơh broă dong kờl là rơlao jơh, mơya mpồl đơng lam đoàn hìu bơsram kung lơh ngan gàr bơta niam ờ do ờ dă ai ală cau bơsram dờng in tu\ tus bal nàng ală cau bơsram dờng iang nùs lơh gơs kơnòl mờ pơn jăt tai lơh jăt broă bơsram, pơrlòng să tòm tơnơ\mờ tu\ neh tus bal tàm broă rơcang sơndră mờ kòp gơtòp.

Tàm tơngai tus, mpồl đơng lam đoàn hìu bơsram geh pơgồp bal mờ sở, gah lơh broă tàm càr nàng tơrgùm bơto ală bơta g^t wă, ală broă geh kuơ nàng ală cau bơsram dờng in tu\ tus bal tàm broă lơh geh lơh broă tơn, lơh broă geh cồng nha.

Bơh ngai 03 nhai 8, Sở Y tế càr Dak Lak neh geh jơnau yal hòi jà jơh ală cau lơh broă gah lơh sơnơm tàm dơlam mờ bơdìh broă lơh dà lơgar dê, cau pơgru, cau bơsram dờng tàm ală hìu bơsram cao đẳng, đại học tàm càr tus bal mờ gah lơh sơnơm tam dră mờ kòp gơtòp.

Mìng tơnơ\ mờ dùl ngai, neh geh rơlao 330 nă cau pơgru, cau bơsram dờng hìu bơsram Đại học Buôn Ma Thuột, hìu bơsram Đại học Tây Nguyên mờ hìu bơsram Cao đẳng Y tế  Dak Lak neh cih măt dan tus bal.

Cau cih Hương Lý-Cau mblàng Ndong Brawl