VOV4.K’ho- Phó Bí thư Tỉnh ủy Dăk Lăk ồng Y Biêr Niê pa geh dơ\ lòt sền tàm tiah nhàr lơgar, gơ wèt kơnhoàl Ea Súp mờ Buôn Đôn, càr Dăk Lăk geh gùng nhàr lơgar ơm rềp mờ càr Mondulkiri, lơgar Campuchia dê jòng 73 kơi sồ. Bơta tờm geh kuang bàng đơng lam bồ càr Dăk Lăk sền gròi là pal ătbồ niam broă lơh sa- kă bro tàm tiah nhàr lơgar, lơh krà` broă lơh ătbồ lik mut mờ lơgar ndai mờ pơgồp bal niam kơnòl broă bơtàu tơnguh lơh sa- mpồl bơtiàn bal mờ gàr niam dà lơgar, gàr niam bơta lơngăp lơngai.

Ồng Y Biêr Niê lòt sền rơndăp broă lơh đèng măt tơngai tàm kơnhoàl Ea Súp

Nàng lơh geh bơta pràn dong bơtàu tơnguh tiah nhàr lơgar, pal tơrgùm bơcri priă, bơtàu tơnguh ală phan bơna gùng lòt dùl ròt bal mờ lơh Mpồng nhàr lơgar Dăk Ruê lơh geh bơta tàm tơrbo\ bal mờ lơgar Campuchia mờ ală càr đah jum tàm gùl lơgar lòt gan gùng rơndeh 29 mờ gùng rơndeh ntoăt răt Buôn Ma Thuột- Nha Trang tàm tơngai tus. Tơngume do digơlan geh Đảng bộ càr sền là dùl tàm ală kơnòl broă tờm, bơtàu tơnguh mhar bơh tơngai lơh broă bơh nam 2020- 2025.

Cau mblàng Lơ Mu K’Yến