VOV4.K’ho – Drim òr 20/11, Đah sền gàr brê càr Dak Lak pơgồp bal mờ Đah sền gàr brê ală càr Dak Nông, Lâm Đồng, Phú Yên mờ Khánh Hoà bơyai lơh pơrjum sền wơl kơrnuat pơgồp bal tàm broă atbồ, sền gàr brê rềp nhàr đah ală càr.

Mut lơh jat kơrnuat pơgồp bal đah mpồl sền gàr brê càr Dak Lak mờ ală càr rềp nhàr, bơh bồ nam 2013 tus tu\ do, ală gah neh pơgồp bal lòt sền, lơh glài rlau 200 broă lơh tìs. Jat jơnau đơs bơh Đah sền gàr brê càr Dak Lak dê, bơh mut lơh kơrnuat pơgồp bal, cồng nha broă atbồ, sền gàr brê neh gơguh uă ngan, ală mpồl neh lòt sền, jòi kup uă bă iah tơr gùm koh kơl, kă bro phan brê, ală broă lơh dră wơl cau lơh broă geh gơnoar kung geh lùp khàu mờ lơh glài di tu\. Nàng mut lơh niam rlau tai broă pơgồp bal, ồng Nguyễn Hoài Dương kuang jat jơng atbồ Gah lơh broă sa mờ bơtàu tơnguh bòn lơgar càr Dak Lak sồr ală mpồl pal kờp sền, bơsong ală tơngume tàm kơrnuat pơgồp bal gơ in dipal mờ ală bơta gơlik geh tu\ do.

                                                                   Cau cih mờ yal tơngit K’ Duẩn.