VOV4.K’ho- Mpồl Kảnh sát gùng lòt Kuang àng càr Dak Lak neh lơh pràn lòt sền, lơh glài ală cau tìs lơh roh bơta ờ do ờ dă gùng lòt. Tơnơ\ 2 poh lơh jat neh geh rlau 2 rơbô 400 nă cau tìs mờ gơbàn lơh glài, kờp jơh khà priă lơh glài gơguh tus rlau 2 tơmàn 700 tơlak đong.

Bàr poh do, Trung tá Nguyễn Lực, cau tàm mpồl Kảnh sát gùng lòt sồ 1 Phòng Kảnh sát gùng lòt Kuang àng càr Dak Lak dê bal mờ ală kuang bàng, cau ling tàm mpồl sùm geh mat tàm anih kơryan gùng lòt tàm gùng Hồ Chí Minh gơl lòt gan xã Hoà Phú, [òn dờng Buôn Ma Thuột nàng lơh jat kơnòl broă gàr niam bơta lơngap lơngai mờ ờ do ờ dă gùng lòt.

Tàm pơgap 2 poh do Mpồl Kảnh sàt gùng lòt sồ 1 neh lam lơh jat dùl ròt nàng lơh glài ală cau tờm rơndeh lòt tàm gùng bè: rơndeh pơn diang năc rơndeh pơn diang phan, rơndeh dờng mờ rơndeh ma\y. Ală cau tờm rơndeh sùm gơ tìp Mpồl lơh glài ală bơta tìs bè ntoat ờ di bơnh gùng, bơnàng gùng, ntoat rat ir; pơn diang phan blăc pơr lồm tìs mờ kơrnoat boh lam, phan buơn ồs sa; ală cau là ơruh pơnu, kơ nòm pa tàu tàm pơr lòng ntoat rơndeh rat tìs mờ kơrnoat boh lam, cau ma\y rơndeh `ô ơlak bìer…Bơh broă lam lơh jat krà` cê, dùl dơ\ le\ tàm dơ\ do, jơnau roh bơta ờ do ờ dă gùng lòt gơmù, khà dơ\ rềs àr gùng lòt kung gơmù uă sơl.

                           Mpồl ling Kảnh sát gùng lòt Dak Lak sơlơ tơngguh lòt sền ală rơndeh lòt tàm gùng  

Là cau ma\y rơndeh pơn diang năc neh rlau 15 nam do lòt rê tàm gơl gùng [òn dờng Buôn Ma Thuột- Hồ Chí Minh, ồng Trần Như Linh cau ma\y rơndeh hìu rơndeh Tú Uyên Dak Lak dê pà g^t, ờ hoan nrơ\t dơl ir sơl tềng đap ală dơ\ lòt sền uă ală rơndeh lòt tàm gùng rơndeh dờng. Ồng Linh đơs là, broă sơlơ tơngguh lòt sền ală rơndeh lòt tàm gùng là kờ` pal geh ngan, bơh hơ\, bơto tơngkah ală cau ma\y rơndeh in pal lơh jat niam Adat gùng lòt rơndeh dờng nàng gàr niam bơta ờ do ờ dă gùng lòt.

Mpồl Kảnh sát gùng lòt tơngkah a` là pal ntoat di mờ bơta ntoat rat, di bơnàng gùng jat jơnau sồr. Mờ khi kung sồr ală cau ma\y rơndeh bè bol a` lơh jat niam broă ba``ô bìer ơlak, ngui ală phan kích thích tu\ ma\y rơndeh. Ma\y rơndeh lài mờ tu\ lòt pơn diang năc den pal sền wơl ală ma\y mok rơndeh dê, gàr tơl niam bơta ờ do ờ dă hơ\ sồng lòt pơn diang năc. Dilah dờp pơn diang phan bơna den sồr cau drơng broă ma\y rơndeh pal sền wơl nền nòn phan bơna geh tơl sră pơ àr bang kì halà ờ hềt, ba` dờp pơn diang ală phan blăc pơr lồm tìs mờ adat boh lam bè: dơm chi, pha\o, phan brê, ma tuý… nàng gàr niam bơta lơngap lơngai mờ ờ do ờ dă gùng lòt.

                                     Lơh jat broă was khà [ô nhơm bìer ơlak  

Ai bi Trần Phi Thanh, hìu ơm tàm gùng Nguyễn Tất Thành, sơnah [òn Tự An, [òn dờng Buôn Ma Thuột, là cau ma\y rơndeh ma\y gơtìp lùp mờ lơh glài bè jơnau ờ cèng sră ma\y rơndeh bal mờ ală sră pờ àr să jan dê pà g^t:

Ngai do a` lòt gơ jal ir den a` ờ go\ cèng sră pơ àr să jan, sră ma\y rơndeh den gơbàn mpồl Kảnh sát gùng lòt sền gròi mờ tơnggkah hơ\ sồng ai lòt wơl tai. Ală bi hơ\, mblàng yal tai bè broă lài mờ tu\ ma\y rơndeh pal ndau sơgơn gàr bồ, ba` `ô bìer ơlak, lòt di bơnàng gùng, ntoat di mờ jơnau sồr, làng bol bè bol a` pal lơh jat niam tu\ lòt tàm gùng.

Trung tá Nguyễn Viết Hải – Phó Kuang atbồ phòng Kảnh sát gùng lòt Kuang àng càr Dak Lak dê pà g^t: lơh jat dơ\ lơh uă bè broă lòt sền dờng rơndeh lòt tàm gùng rơndeh dờng jat jơnau sồr bơh Bộ Kuang àng dê, mpồl Kảnh sát gùng lòt Kuang àng càr Dak Lak neh ai 100% mpồl linh lam lơh broă tàm gùng ngai kung bè mang tàm ală anih kơryan gùng lòt tàm ală gơl gùng rơndeh 14 ( gùng Hồ Chí Minh), gùng rơndeh 26, 27 mờ ală gơl gùng càr. Bal mờ broă lòt sền bè bơta lơh sa kă bro pơn diang phan, ală gùng dà broă lơh gàr tơl niam bơta ờ do ờ dă tàm broă pơn diang phan, den mpồl lơh broă geh gơ noar gam pơ gồp bal ngui ală ma\y mok lơh broă, ma\y khồm nhơm was bìer ơlak, mẫu tơr lòng lài nàng lòt sền, lơh glài gơ wèt mờ cau ma\y rơndeh lòt tàm gùng tìs bè: ma tuý, `ô bìer ơlak, ntoat rat, lòt tìs bơnàng gùng, ntoat yah yờn, ma\y rơndeh jat mpồl, ờ ndau sơgơn gàr bồ… Tơnơ\ 2 poh ai ling lòt sền, bơta lơngap lơngai, ờ do ờ dă gùng lòt geh gàr niam rlau.

Tàm pơgap 15 ngai do, mpồl Kảnh sát gùng lòt Kuang àng càr Dak Lak neh lơh sră lơh glài rlau 2 rơbô 800 nă cau tìs, ku\p rlau 780 rơndeh ală bơta, lơh glài 2 rơbô 400 cau ma\y rơndeh lòt tàm gùng mờ khà priă rlau 2 tơmàn 700 tơlak đong tong tàm kes priă càr dê. Nàng lơh jat geh cồng nha rlau tai dơ\ lơh uă do, tàm tơngai tus, Kảnh sát gùng lòt Kuang àng càr pơn jat tai ai mpồl ling lơh pràn broă lơh jat dơ\ lòt sền uă rơndeh lòt tàm gùng tàm jơh bal ală gơl gùng tờm, mơ kung lơh ngan mblàng yal jơnau ai ală rơnàng làng bol in nàng làng bol in tơngguh bơta g^t wă uă tu\ ma\y rơndeh lòt tàm gùng.

Cau cih Tuấn Long- cau mblàng K’ Hạnh