VOV4.K’ho- Ngai 2/9, tàm Pôs đồng ling sền gàr tiah nhàr lơgar Bo Heng 747, xã Krông Na, kơnhoàl Buôn Đôn (Dak Lak), Mpồl ling sền gàr tiah nhàr lơgar Dak Lak pơgồp bal mờ gơnoar atbồ tiah do dê bal mờ 2,3 anih dong kờl priă jền bơyai lơh sơn đờm mut ngui broă lơh Rùp mòn “Bác Hồ mờ cau ling sền gàr tiah nhàr lơgar”.

Rùp mòn sơn đờm mut ngui di dơ\ tơngkah kir sơn rai 75 nam ngai dà lơgar tơr gùm dùl; 40 nam crơng gơs pôs đồng Bo Heng

Rùp mòn “Bác Hồ mờ cau ling sền gàr tiah nhàr lơgar” geh bơt bơtàu tàm ù tiah Pôs đồng ling sền gàr tiah nhàr lơgar Bo Heng 747, lơh mờ bê tông jrong lòs, ơm tàm gùl tàm tiah kai ntùng lơh mờ lu\ granit. Rùp mòn cèng rùp să Bác Hồ lơbơn niam ngan bơto tơngkah dùl nă cau ling Kuang àng phàu crong (tu\ do là Mpồl ling sền gàr tiah nhàr lơgar), jat bơta pal jat là “ Iăt jơnau dà lơgar dê” bơh cau bơceh Vũ Trọng Khối dê, nam 1962. Priă bơt bơtàu broă lơh pơgap 500 tơlak đong; broă mut lơh bơh ală kuang bàng cau ling Pôs đồng ling sền gàr tiah nhàr lơgar Bo Heng dê lơh tàm pơgap 4 nhai.

Ală cau ala mat tus bal tam tờm chi kir sơn rai tàm pôs đồng Bo Heng 

Rùp mòn lơh gơs nàng kờ` gờm chờ dơ\ tơngkah kir sơn rai 75 nam kăc màng nhai phàm mờ Sơn tờm dà lơgar 2/9; 40 nam ngai crơng gơs Pôs đồng ling sền gàr tiah nhàr lơgar Bo Heng; pơrjum dờng Đảng bộ ală kấp càr Dak Lak dê; mờ wèt tus pơrjum dờng cau ala mat gùt dà lơgar dơ\ 13 bơh Đảng dê, tơngai bơh nam 2020-2025.

Cau mblàng K’ Hạnh