VOV4.K’ho- Drim òr (24/6), Gah đơng lam ling klàng càr Dăk Lăk bơyai lơh sơnđờm lơh Dơ\ pơrlòng tàp pràn să jan sền gàr dà lơgar nam 2019.

Thượng tá Lê Văn Hùng, Phó  kuang atbồ, Kuang dong broă Gah đơng lam ling klàng càr Dăk Lăk đơs tàm dơ\ sơnđờm mu\t pơrlòng

Tus bal pơrlòng dơ\ do geh rlau 650 nă cau gơ wèt 18 mpồl là ală anih lơh broă, mpồl cau tàm mpồl ling klàng phàu crong càr Dăk Lăk. Gah mpồl ling klàng duh broă sùm tus bal tàm pơrlòng ală bơta pơrlòng, tàm hơ\ geh: pơrlòng cau ling jak, ntoăt jòng 10 rbô thơk, re dà đòm jat broă ling klàng…Gah ling klàng làng bol sền gàr is tàm pơrlòng ală bơta pơrlòng, tàm hơ\ geh: Pơrlòng võ tam lơh ling klàng làng bol sền gàr is, pơrlòng 3 bơta broă ling klàng pơgồp bal…

Do là tu\ nàng ală mpồl ling tàm mpồl ling klàng phàu crong càr Dăk Lăk tìp mat, lơh quèng, lùp bơsram, tàm yal tơngi\t bal bơta mờng chài tàm srơh tàp pràn să jan. Kấp ủy, đơng lam ală kấp đơs di cồng nha pơlam tàp pràn kơldang să jan bơh ală anih lơh broă, mpồl cau tàm mpồl ling klàng phàu crong dê; bơh hơ\, sac rwah ală cau pơrlòng tàp pràn să jan geh cồng nha pơrlòng jak ngan mu\t tàm dơ\ pơrlòng tàp pràn să jan kấp Quân khu. Dơ\ pơrlòng geh lơh tus jơh ngai 27/6.

Cau mblàng Lơ Mu K’Yến