VOV4.K’ho- Mang ngai 30/11, Gùng rơndeh dờng 26 gơl lòt gan ù tiah xã Cư Mta, kơnhoàl M’Drăk, càr Dăk Lăk gơtìp gơtơ\p ù mờ ù nhchùn dùl gơl gùng jòng rlau 20 thơk lơh kòl bàr đah gùng. Mpồl Kảnh sát gùng lòt Kuang àng càr Dăk Lăk pơgồp bal mờ kuang àng tàm do mờ mpồl ătbồ sền gàr gùng tam pà mờ pơlam lòt rê. Tus mho ngai 1/12, ală mpồl lơh broă geh gơrềng gam sơrbac mhar lam lơh ală broă lơh lơh niam wơl anih gơtìp gơtơ\p ù mờ ù nhchùn tàm Gùng rơndeh dờng 26 gơl lòt gan kơnhoàl M’Drăk, càr Dăk Lăk dê.

Dăk Lăk sơrbac mhar lơh niam wơl bơta gơtơ\p ù mờ ù nhchùn tàm Gùng rơndeh dờng 26

Công ty Cổ phần Ătbồ mờ Lơh gùng rơndeh ù 26 mờ Chi cục Gùng ù III.5 neh ai 40 nă công nhân, mờr 30 nơm rơndeh ô tô pơndiang phan, 4 nơm măy tờ mờ uă măy cho\ ù sơrbac mhar lơh niam wơl anih gơtìp gơtơ\p ù mờ ù nhchùn tàm Gùng rơndeh dờng 26. Broă lơh niam wơl anih gơtìp gơtơ\p ù mờ ù nhchùn gam tìp kal ke tài bơh trồ tiah ờ niam mờ ù lu\ uă ir. Ală mpồl lơh broă geh gơrềng gam lơh ngan nàng gờ` gơtùi lòt rê wơl gùng do, gàr niam broă lòt rê [ươn [oài ai làng bol mờ rơndeh rơndồ in.

Cau mblàng Lơ Mu K’Yến