VOV4.K’ho- Ban Thường vụ Tỉnh ủy Dak Lak bơyai lơh Pơrjum Ban Chấp hành Đảng bộ càr dơ\ 23 pờ ơnàng. Jat jơnau yal, 6 nhai bồ nam, jơh ală broă tờm bơh càr Dăk Lăk dê ndrờm gơguh pơndrờm bal dùl tu\ mờ nam lài. Bè, kờp jơh priă phan bơna lơh geh gơguh mờr 7%; Kờp jơh tă dia dà lơgar mờr 3.340 tơmàn gơguh 14%.

Jơh gùt càr gơhòi gơ jà geh 24 rơndăp broă lơh bơcri priă bal mờ kờp jơh priă bơcri pơgăp 11 rbô tơmàn. Broă bơto bơtê, kham sơm kòp sền gàr pràn kơldang să jan làng bol in, lơh broă- cau ling sồt să mờ mpồl bơtiàn geh lơh jat niam ngan. Ală broă lơh niam chài, tàp pràn să jan, đơs crih tam ya geh bơyai lơh uă mờ li la.

Kuơmàng càr neh bơyai lơh geh cồng nha Dơ\ lơh chờ Kơphê Buôn Ma Thuột dơ\ 7, Pơrjum hòi jà bơcri priă nam 2019 mờ Cribơyai kấp dà lơgar lơh jat Jơnau pơndu\t sồ 60 bơh Bộ Chính trị dê bè bơ\t bơtàu mờ bơtàu tơnguh [òn dờng Buôn Ma Thuột gơ gơs là tiah drà tờm tiah Tây Nguyên dê.

Tàm pơrjum, kuang đơng lam bồ Tỉnh ủy Dăk Lăk sồr ală kấp, ală gah tàm càr tơrgùm đơng lam, atbồ, sồr lơh jat ală broă lơh sa- mpồl bơtiàn nam do lơh geh cồng nha jơnhoa ngan rlau jơh. Pơn jat tai krà` cê jơh nùs rcăng sơndră geh cồng nha kòp jê ndul gơjroh sur châu Phi; sơlơ lòt sền, sồr lơh mhar tơngai pơrgon lơh gơs broă mờ ai priă jền lơh broă, atbồ bơta niam ală rơndăp broă lơh, broă bơ\t bơtàu bơh sơnrờp; Rcăng niam ală tơngume wèt tus bơyai lơh Pơrjum dờng Đảng ală kấp tàm bồ nam 2020 tus do…

Cau mblàng Lơ Mu K’Yến