VOV4.K’ho – Gùt càr Dak Lak geh 152 ntum, mơya tus tu\ do mìng pa geh 5 ntum geh khà tơl [òn lơgar pa, mìng ndrờm 1/6 broă rơndap lơh tàm tơngai bơh nam 2011 tus nam 2015. Jơnau là tàu broă rơcang crơng gơs rơndap broă lơ ỳai, pràn jak lơh broă bơh ờ uă cau tờm bơcri priă, ngan là Anih duh broă làng bol ntum ờ hềt niam, broă lơh gơ rềng tus gah atbồ bơcri priă bơt bơtàu geh uă tam gơl… bơta pràn mut lơh kal ke, den tàng Dak Lak geh kơrnuat tơmù khà ai bơh rơndap broă tơngai bơh nam 2011 tus nam 2015 gam gùl, bơh 31 ntum gam 15 ntum geh khà tơl [òn lơgar pa. Ồng Y Dhăm Ênuôl, kuang jat jơng atbồ Anih duh broă làng bol càr Dak Lak sồr: “ Tàm mpồl đơng lam kơnă kơn hoàl dilah ờ hềt geh rơndap mpồl atbồ broă lơh kơnă kơn hoàl den pal rơndap tai halà jàu tai kơnòl atbồ tus mờ mpồl atbồ rơndap broă lơh in nàng cribơyai mờ mpồl Đảng, gơnoar atbồ, pơlam cau tờm bơcri priă kơnă ntum. Kuơ màng là mblàng yal bè bơta bơt bơtàu [òn lơgar pa là 1 kơnòl gùng dră bal kuơ màng bơh gơnoar atbồ ală jơnă dê”.

                                                                                   Cau cih mờ yal tơngit K’ Duẩn.