VOV4.K’ho- Pơn jat tai ală broă lam lơh broă lơh tĕ khà Kuang bàng Quốc hội khoá 15 mờ Kuang bàng Hội đồng Nhân dân ală kấp tơngai lơh broă bơh nam 2021-2026 Ban thường trực Ủy ban Mặt trận Dà lơgar Việt Nam càr Dak Lak neh lơh broă sền gròi, lòt sền broă lơh tĕ khà tàm bàr pe tiah tàm càr dê. Bơh broă sền gròi, jơh ală tiah lơh jat di broă lơh, broă rơndap lơh, gàr di tŭ tơngai neh ai. Bơh ngai 08/4 tus ngai 13/04, Mpồl lòt sền broă lơh tĕ khà gơwèt mờ kấp kơnhoàl, kấp xã mờ Mpồl lơh broă Mặt trận tàm tiah ơm kis tàm ală kơnhoàl Cư M’gar, Ea Kar, Krông Ana mờ Ea H’Leo.

Dak Lak tơnguh broă sền gròi, lòt sền broă lơh tĕ khà  

Tơngume sền gròi, lòt sền tàm hơ̆ geh: sền gròi broă lam lơh, jat Adat tĕ khà, broă crơng gơs mờ broă lơh bơh Ủy ban tĕ khà dê, ală mpồl lơh broă drơng broă tĕ khà; broă bơyai lơh ai jơnau đơs bơh cau tĕ khà tàm tiah ơm kis gơwèt mờ cau tĕ khà.  Tàm tơngai tus, Ủy ban Mặt trận dà lơgar Việt Nam càr Dak Lak pơn jat tai lam lơh 2 dơ̆ lòt sền, sền gròi bè broă lĭp sră cih mat cau tĕ khà mờ broă rcang lài thùng đùh sră, lĭp sră cih mat cau tơlik mat tĕ khà, bơsong sră yal yă. Tơngai lòt sền bơh ngai 15/04 tus jơh ngai 30/04/2021.

Cau mblàng K’ Hạnh