VOV4.K’ho- Lơh jat jơnau đơng lam bơh Bộ Kuang àng dê bè lơh mờ atbồ sră kimta làng bol, Kuang àng càr Dak Lak gam lơh ngan, tơrgùm tơnguh mpồl cau lơh broă, tơnguh tŭ tơngai lơh broă tus 19 jơ tàm dùl ngai nàng dờp sră cih jơnau yal lơh sră kimta làng bol crap chíp điện tử ai làng bol in gàr bơta niam mờ di broă rơndap lơh ai tơlik. Tiah tờm drơng broă hành chính dà lơgar càr Dak Lak là 1 tàm 18 anih lơh sră nggal lơh kimta làng bol crap chíp điện tử tàm gùt càr.

Mờ 3 mpồl lơh broă, tam pà gơs 3 dơ̆ lơh broă: àng drim, trồ mho mờ mang, bơh 7 jơ drim tus 10 jơ mang, pah ngai dờp mờr 600 sră nggal bơh làng bol dê tus lơh sră kimta làng bol. Tơngai lơh broă gơguh tus 15 jơ tàm 1 ngai ala mờ 8 jơ tàm 1 ngai bè lài do neh dong lơh gơlik bơta ƀuơn ai làng bol in tus lơh sră yal tơnggit lơh kimta. Tus tŭ do, Kuang àng càr neh dờp 70 rbô sră nggal pơyua rê hờ Bộ Kuang àng bơsong lơh kimta. Jat broă rơndap lơh, tus ngai 30/6, Kuang àng Dak Lak lơh gơs mờr 1 tơlak 200 rbô sră kimta (jat jơnau kờñ ai tơlik pal lơh geh êt ngan rlau jơh 70% mờ Bộ sồr).

Cau mblàng K’Duẩn