VOV4.K’ho- Tơngai do, cau lơh broă sa Dak Lak gam tàm tơngai p^c kơphe nam 2020-2021. Nàng geh phan bơna niam, gơnoar atbồ mờ gah lơh sa sươn sre gam tơnguh broă mblàng yal, tơngkah, geh tu\ là sền gròi tơn bơh broă tơn hào kơphê nàng gàr niam plai dum geh rlau 85%. Broă tơnguh ua\ bơta niam kơphê bơh broă tơn hào geh sền là dùl tàm ală gùng dà broă lơh cèng wơl bơta kuơ dơ\ le\ bal tu\ khà pria\ tăc jơnhoa rlau pơn ndrờm mờ drà kă bro mờ wèt tus broă lơh kơphê kơ\ kơl jap

Ală nam pa do, tài bơh bơta tam gơl nisơna bè trồ tiah den rlau 3 lồ kơphê bơh hìu bơnhă ồng Nguyễn Văn Quảng ơm tàm xã Ea Nam, kơnhòal Ea Hleo geh bơkào mờ tơ\t plai ua\ dơ\ tàm nam, kal ke ngan nàng jơh ală plai dum gơ in dum dùl dơ\ le\.  Dilah bè lài do, nàng bươn tàm broă ơpah cau p^c, tơn lơyah tơngai p^c  ồng Quảng geh p^c dùl dơ\, den tàng khà plai lir ua\ ngan, ờ gàr tơl  bơta niam bơkah. Nam do, pleh mờ bơta rồn bơklơn bè khà pria\ tài bơh p^c lir, ồng Quảng lơh nền p^c kơphê gơ gơs 3 dơ\. Dơ\ sơn rờp mờ dơ\ 2 p^c rơ wah ală tờm geh ală plai dum ua\ (pơgap 90%) dơ\ lồi du\t là ơm kơ\p plai dum jơh den p^c jơh bal mờ tờm tơn. Jat ồng Quảng p^c kơphê dum sac rơ wah roh ua\ ngan pria\ jền nàng ơ pah cau p^c mờ roh ua\ ngan tu\ jiơ mơya bơsir wơl tu\ tăc den khà pria\ jơnhoa rlau pơn ndrờm mờ p^c dùl dơ\ le\ bal tài bơh tơnhào, bơta niam bơkah kơphê dê geh gàr tơl bơta niam.

Bàr pe nam lài a` sùm ơ pah bơh 5 tus 7 nă cau p^c plai pơgap 1 poh là p^c jơh, mơya tu\ cèng tăc den khi đơs là lir ir, khà pria\ tăc ờ ua\ ngan. Sền go\ 2,3 nă oh mi gùt dar tàm do lời kơphê dum jơh hơ\ sồng p^c mờ tăc mờ khà pria\ ua\ rlau bơh 500 tus 800 đong dùl ki\ plai ris. Nam do, a` kung tam cah p^c hời rơ hời, roh tu\ tơngai dùl ết mơya ùr mờ klau a` p^c rơ hời mờ jòi tai 1 tus 2 nă cau p^c ơ pah jat ngai mờ ờ jat dơ\ p^c bè lài do tai.

Tơnguh ua\ bơta bơkah niam kơphê bơh tàm broă p^c plai dum

Là mpồl lơh sa kă bro sùm lơh gơlik blơi mờ tăc kơphê mờ lơgar ndai, công ty trách nhiệm hữu hạn Một thành viên kă bro phan mờ lơgar ndai ngai 2 nhai 9 Dak Lak (Simexco Dak Lak) sền go\, nàng tơnguh geh  khà pria\ tăc tàm tơngai kơphê  tăc ờ hoan yòm bè tu\ do, broă lơh mìng dùl lơm là lơh kơphê geh bơta niam mờ bơkah ua\. Kờ` lơh geh bơta do, bal mờ broă lơh sơng ka sền gàr kơphê den broă tơn hào kơphê là kuơ màng ngan. Công ty rcang lài lơh bal mờ blơi kơphê bơh cau lơh broă sa dê mờ pria\ jơnhoa rlau mờ drà kă bro dilah lơh di pal geh tơl khà tơnhào p^c plai dum. Ồng Lê Đức Huy, Phó Kuang atbồ dờng Simexco Dak Lak pà g^t:

Nàng tơnguh bơta niam bơdìh mờ broă tơnhào, ìs, pơr ro jat broă lơh mờng bơh yau bơh yau den geh ală broă lơh tơnhào plai kơphê dum, lơh gơlik tơnguh ua\ bơta niam bơkah. Den tàng tơnguh ua\ bơta pràn ai làng bol in bè broă tơn hào plai dum geh tơnguh ua\ bơta niam bơkah. Công ty 2/9 tàm 5 nam do dilah làng bol tơnguh bơta niam bơkah gàr tơl jơnau sồr den công ty gam blơi mờ khà pria\ kă bro bơta niam bơkah 100 rơbô đong dùl ki\, neh tơnguh rlau mờ khà pria\ tàm drà kă bro là 30%. Khà pria\ do bơh bơta pal jat drà kă bro dê lơh nền. Dilah bol he bal mờ gơ\p jơh nùs lơh bal lơh tài dùl gùng dà broă lơh jo\ jòng rlau tai, rlau là cộng trừ nhân chia tềng đap mat là ờ go\ tus ò. Kơ\p kờ` 5 nam tơ nơ\ do, halà 7 nam tơ nơ\ do pria\ lơh geh geh tơnguh ua\ 2 dơ\.

Kơphê tơnhào 100% pal dum  

Jat ồng Nguyễn Hắc Hiển, Phó Kuang atbồ Chi cục tam phan mờ sền gàr phan tam càr Dak Lak đơs, gùt càr tu\ do geh rlau 203 rơbô lồ kơphê , tơnhào kờp bal lơh geh rlau 25 tạ dùl lồ; kờp jơh kơphê lơh geh pơgap 465 rơbô tấn. Nàng tơnguh ua\ bơta niam bơkah kơphê, gah lơh sa sươn sre neh pơgồp bal mờ gơnoar atbồ ală tiah tơnguh broă mblàng yal, hòi jà ală mpồl cau, cau dùl nă să is ba` p^c kơphê lir, gàr niam bơta lơngap lơngai, ờ do ờ dă nàng làng bol in iang nùs p^c tu\ kơphê dum neh geh rlau 85%; tàm tu\ p^c tàm tơngai lồi kàl, khà plai dum pal geh ua\ ngan rlau jơh là 80% nàng kờ` gàr tơl bơta niam bơkah kơphê dê tơnơ\ tu\ tơn hào.

Bè đah Chi cục lài ngan là mbàng yal, hòi jà tàm ală broă lơh bơh he dê tus làng bol cau lơh broă sa lơh ngan lơh jat broă tơn hào pal geh plai dum mờ ba` p^c plai lir. Tài bơh ua\ làng bol kung gam geh bơta kơlôi sơnơng p^c bal mờ lir brê ơn tàm hìu niam rlau mờ ơm kơ\p kơphê dum jơh mờ gơbàn roh cau kơ`au … bè hơ\ là ờ di. Bal mờ hơ\, pơgồp bal mờ ală mpồl nàng gàr niam sền gàr broă tơnhào ai làng bol in, mờ bơto pơlam bơta chài ai làng bol cau lơh broă sa in tơnhào di mờ jơnau sồr

Tơnguh ua\ bơta g^t wă cau tam kơphê in bè broă gàr tơl bơta niam,bơkah  kơphê tàm tơngai tơnhào, pơr ro, lơh gơlik mờ ơn prap tơnơ\ tu\ tơnhào là dùl kơnòl broă kuơ màng tàm “ Rơndap broă lơh bơtàu tơnguh kơphê kơ\ kơl jap càr Dak Lak dê tus nam 2020 wèt tus nam 2030” nàng kờ` chồl tơnguh geh phan bơna kơphê càr Dak Lak dê bơtàu tơnguh jat broă lơh kơ\ kơl jap. Tơnguh ua\ pria\ lơh geh mờ tam gơl rài kis ai làng bol tàm [òn lơgar in; atbồ niam ală phan kươ geh is, sền gàr tiah ơm kis brê bơ nơm, mờ sơn dră wơl geh cồng nha mờ bơta tam gơl trồ tiah.

Cau cih Hương Lý- Cau mblàng K’Hạnh