VOV4.K’ho – Tơ nơ\ tu\ geh cau bơ tờp kòp Covid-19 sơn rờp tàm càr, Dak Lak neh lam lơh ring bal ua\ broă lơh sơndră mờ kòp bơ tờp.

Kơnhòal Krông Bông, càr Dak Lak geh 60% khà kờp làng bol geh [òn tờm tàm càr Quảng Nam mờ Đà Nẵng, den tàng bơh ngai 17/7 tus tu\ do, neh geh rlau 2 rbô nă cau bơh 2 tiah do rê wơl mờ kơnhòal, gơ jat bal mờ hơ\ là jơnau pơhìn bơ tờp kòp ua\ gơ wèt mờ kòp Covid-19. Mìng is tàm drim ngai 29/7, kung geh 3 dơ\ rơndeh lòt bơh Đà Nẵng rê hờ Krông Bông bal mờ 50 nă cau đì tàm rơndeh. Ală cau rê wơl hờ kơnhòal neh geh gah lơh sơnơm sồr yal gah lơh sơnơm in, đo khà duh să jan mờ tam cah is tàm hìu.

                                     Anih sơm cau kòp Covid-19 tàm Hìu sơnơm dờng tiah Tây Nguyên

Bác sĩ Nguyễn Tuấn Việt, Phó Kuang atbồ Hìu sơnơm kơnhòal Krông Bông pà git, hìu sơnơm neh rơcang tơl bè cau lơh broă mờ phan bơna nàng sơndră mờ ală broă gơlik geh bơh kòp dê: 

“Tu\ do hìu sơnơm bol hi neh sồr ală Hìu sơnơm xã sơn đờm ai lơh broă ală mpồl rơcang sơndră kòp Covid-19 tàm ală xã, thị trấn mờ hìu sơnơm, tàm hìu sơnơm bol hi dê neh tam pà kấp, tam cah is mờ rơcang lài phan bơna nàng dờp ală cau pin bơ tờp kòp Covid-19”.

Tàm hìu sơnơm dờng tiah Tây Nguyên, là tiah gam sơm cau kòp Covid-19 in, kuang đơng lam bồ hìu sơnơm dờng tiah Tây Nguyên pà git, tơ nơ\ tu\ dờp cau bơ tờp kòp, hìu sơnơm neh [ồm sơnơm lơh kloh khuẩn tàm khoa kòp bơ tờp mờ lơh jat jơnau sồr wàng sre jơh khoa kòp bơ tờp bal mờ 3 nă kuang bàng, bác sĩ, 11 nă cau bơsram dờng gam pơlam tàp lơh broă ngan ngồn, 37 nă cau kòp mờ 2, 3 nă cau tờm cau kòp dê.

Bác sĩ Võ Minh Thành, Phó Kuang atbồ hìu sơnơm pà git, tu\ geh cau sơn rờp bơ tờp kòp Covid-19, pal lam lơh mơ broă tam pà ală kấp hìu sơnơm dê nàng tơrmù [à bơta kòl yan ai hìu sơnơm dờng tiah Tây Nguyên dê. Jat hơ\, hìu sơnơm kơnhòal rơcang lài dờp ală cau geh bơta dịch tễ halà pin, tơ nơ\ tu\ geh cồng nha xét nghiệm, dilah geh đơs là bơ tờp kòp den hơ\ sồng jun tus hìu sơnơm dờng tiah Tây Nguyên nàng tơrgùm sơm kòp mờ pleh bơ tờp kòp tàm hìu sơnơm:

“Tu\ geh dùl cau bơ tờp kòp den bol hi ờ dờp ală cau geh bơta dịch tễ mờ jơnau pơhìn ua\ tai, bol hi mìng dờp ală cau bơ tờp kòp nàng sơm. Gơ wèt mờ hìu sơnơm dờng tiah Tây Nguyên bol hi dê neh pờ 2 cơldu\ kham geh 2 gùng lòt is nàng sền gròi ală cau kòp tus kham bè kòp Covid. Dơ\ 2 tai là bol hi kung sồr khoa dược blơi lài phan sền gàr, chèu glòm muh mat mờ sơ prồm tê tàm pơgap 3 nhai”.

                        Cau lơh sơnơm đo khà duh să jan ală cau rê bơh tiah geh kòp in

Mò H’Yim Kdoh, Phó Chủ tịch UBND càr, Phó Kuang atbồ Mpồl đơng lam rơcang sơndră kòp Covid-19 càr Dak Lak pà git, tơ nơ\ tu\ geh cau sơn rờp bơ tờp kòp Covid-19, càr neh lùp sền ală bơta dịch tễ gơ rềng tus gùng lòt bơh cau kòp dê; jòi mờ tam cah is ală cau F1 neh ơm rềp mờ cau kòp; pơlam làng bol lơh jat ală broă lơh rơcang sơndră kòp jat di jơnau sồr bơh Bộ Y tế dê. Mơkung sơn đờm ai lơh broă 2 anih tam cah is tơrgùm bal:

“Càr kung neh pờ 2 anih tam cah is tơrgùm bal, lài ngan là tàm tiah tờm ròng siam cau geh màng mờ dà lơgar tàm sơnah [òn Tân An. Anih tam cah is tơrgùm bal do lời ai jơh ală kuang bàng lơh sơnơm là cau dờp mờ sơm tơn cau kòp Covid-19 in. Dơ\ 2 là anih tam cah is tơrgùm bal tàm Trung đoàn kảnh sát cơ động Tây Nguyên tàm sơnah [òn Tân Hòa, [òn dờng Buôn Ma Thuột, anih do geh pơgap 300 nă cau rlau hơđang, anih do lời ai jơh ală cau pin halà cau bơh tiah geh kòp rê”.

Tơ nơ\ tu\ pà git geh cau sơn rờp bơ tờp kòp Covid-19 tàm càr, UBND càr Dak Lak neh geh sră nggal sồ 6592 bè broă lam lơh jat ală broă lơh jal mhar rơcang sơndră kòp Covid-19 tàm càr. Jat hơ\, bơh 12 jơ mang ngai 30/7, càr Dak Lak ngan ngồn ngui broă lơh ờ huan ai tơrgùm gal cau. Bal mờ hơ\, càr kung ơm jơh ală broă lơh pơrjum, lơh chờ, ală broă lơh tơrgùm rlau 20 nă cau tàm dùl cơldu\.

UBND càr sồr làng bol ba` tơrgùm rlau 20 nă cau bơdìh anih lơh broă, hìu bơsram. Ơm ală broă lơh pơrjum gah jat yàng, broă lơh tơrgùm bơh 20 nă cau rlau hơđang tàm ală hìu yàng, hìu duh khoai, hìu jum; ơm jơh ală broă lơh niam chài, tàp pràn să jan, nhơl `o\ tàm ală tiah geh gal cau. Ơm ing lơh broă ală anih kă bro broă dơng ala: anih nhơl `o\, karaoke, mát-xa, hìu bar halà club, hìu pờ lơma, anih mut internet bal, anih pờ phan nhơl điện tử, nhơl geh phan [àn, cơldu\ tàp pràn să jan bè gym, yoga…

Gơ wèt mờ hìu tac phan sa, dà kơphe tàm càr, sồr lơh jat nền nòn ală broă lơh rơcang sơndră kòp jat jơnau pơlam bơh Gah lơh sơnơm dê (bè pơn chèu glòm muh mat, đo khà duh să jan; lơh anih ràu tê gơ sơt kguản gơ wèt tus mờ cau lơh broă mờ cau nac in; rơndap tap sèng anih tàm hìu tac phan `ô sa jat jơnau sồr ơm ngài êt ngan rlau jơh 1 thơk…) Mơkung sồr làng bol ba` lik bơh hìu dilah ờ geh broă kuơmàng mờ lơh jat ală broă lơh rơcang sơndră kòp Covid-19 (sùm ràu tê mờ sơ [ong halà dà ràu lơh kloh khuẩn; ơm ngài êt ngan rlau jơh 1 thơk tu\ boh bơr, pơn chèu glòm muh mat tu\ lòt tàm gùng halà đì tàm rơndeh geh ua\ cau, tiah tơr gùm gal cau…).

Cau mblàng K’Duẩn