VOV4.K’ho - Tus tu\ do, tàm Dak Lak neh geh di 25 rbô lồ chi tam gơbàn trồ prang soat dà, kờp jơh hoà] hươr mờr 800 tơmàn pria\. Jat kờp du\ bơh  gah yal lài bè trồ tiah dà ia, trồ prang geh gơbàn krà` ngan tàm di 1 nhai tus tai, dilah ]àr ờ geh ala\ broa\ lơh dipal, hoà] hươr gam gơbàn dờng rlau. Tơngai lài, dà mìu tàm Dak Lak ê\t rlau, ờ hềt ndờm 80% pơndrờm mờ kờp bal pah nam, den tàng tus tu\ do ua\ ngan ala\ dà dờng, dà ]roh di mơ mờ dềt tàm Dak Lak neh jơh soat dà, ala\ tơnau dơng dà bơtơt rbòng dà mìng gam 1/3 dà mờ gam gơbàn gơ hoài dà ua\ ngan, neh geh tus 80 bơtơt rbòng dà neh soat dà. Den tàng,  broa\ lơh sơndra\ trồ prang tàm ]àr ờ di mut lơh “gam dà gam bồm” mờ pal geh kờp du\ di pal, dờp bơta sang ala\ ba\ kòi sre ngan ngồn la ờ tơl dà tuh 1 nhai  tai, lời dà nàng  dong ala\ chi tam jo\ sơnam ndai.

}au mblàng K’ Brọp