VOV4.K’ho- Kòp Covid-19 neh mờ gam gơ rềng uă ngan tus ală mpồl lơh sa kă bro. Uă mpồl lơh sa kă bro neh pal lơh dùl ết wơl broă lơh sa, geh tu\ là tơn jơh lơh broă sa gơ lam tus bơta g^t nđờ rơbô nă công nhân gơtìp ờ geh broă lơh. Tàm tơngai hơ\, ală anih lơh broă geh gơnoar bal mờ mpồl lơh sa kă bro tàm Dak Lak neh geh uă gùng dà broă lơh geh ngan nàng dong kờl, pơgồp dà kơl hề bal mờ cau lơh broă gơtìp roh broă lơh in.

Geh mat tàm dơ\ yal tơng^t broă lơh càr dê dơ\ 6 nam 2020 geh bơyai lơh pa do, bi Trần Ngọc Thảo, ơm tàm sơnah [òn Tân Thành, [òn dờng Buôn Ma Thuột pà g^t: Lài do bi lơh broă jat sră pơr gon tàm dùl mpồl lơh sa kă bro tàm tiah do dê. Tu\ kòp Covid-19 gơlik geh, bơta lơh sa kă bro bơh kông ty dê kal ke ngan, 2,3 nă công nhân geh ai ơm rơlô ing, ală cau gam wơl den pal tơrmù priă nhai nàng gàr niam broă lơh. Tu\ do kòp neh geh kơryan, bi Thảo kờ` jòi dùl broă lơh di pal nàng bè ờs wơl rài kis.

Tàm tơngai kòp Covid-19 pa do broă lơh a` dê kung gơtìp aniai sơl. Nhai lơh broă nhai den ơm rlô, priă nhai gơmù gam pơgap 50% lơm den tàng bè hơ\ tàm tơngai do a` kơ\p kờ` jòi dùl broă lơh nàng bè ờs wơl rài kis jo\ jòng rlau tai.

Bi Trần Ngọc Thảo lơh ală sră dờp sră dan broă lơh 

Kung tus bal tàm dơ\ sac rơ wah cau lơh broă dơ\ do dê, bi Tống Trần Thông, ơm tàm thị trấn Phước An, kơnhoàl Krông Pách, càr Dak Lak pà g^t, lài do bi lơh broă tàm dùl mpồl lơh sa kă bro bơt bơtàu, tài gơ rềng bơh kòp Covid-19 den broă lơh ờ gam bè ờs tai, tu\ do gam kờ` jòi geh broă lơh di pal rlau nàng tơnguh uă priă lơh geh.

A` den kờ` jòi dùl broă lơh gơ wèt mờ bơta mờng chài bơh a` dê nàng lơh broă kơl jap mờ ơm lơh broă tàm Dak Lak do.

Tơnơ\ 2 dơ\ gơbàn kòp Covid-19, càr Dak Lak geh pơgap 100 rơbô nă cau lơh broă ờ geh broă lơh. Ală cau lơh broă dờp sră dan dong kờl bơh bảo hiểm ờ geh broă lơh dê neh gơguh tus mờr 7 rơbô 500 sră, mờ khà priă tă tơm, dong kờl cau ờ geh broă lơh pơgap 100 tơmàn đong. Tơnơ\ tu\ kòp neh geh sền gròi, ală broă lơh lơh sa kă bro lơh broă wơl bè ờs, uă mpồl lơh sa kă bro tàm ù tiah càr dê neh gờ` bè ờs wơl mờ rề ơnàng nàng drà tăc phan bơna. Lơh jat gơnoar broă kuơ màng tàm broă tàm tơr bo\ bal jơnau kờ` lơh broă, pơgồp bơnah tam gơl niam drà lơh broă, tơngai pa do Anih tờm drơng broă lơh tàm càr Dak Lak neh pơgồp bal bơyai lơh geh 6 dơ\ yal tơng^t broă lơh pah nhai tàm Anih tờm drơng broă lơh mờ 5 dơ\ yal tơng^t broă lơh lơh broă ntrờ` làm bă tiah mờ Ngai chờ lơh broă tàm ală kơnhoàl, thị xã, [òn dờng dê in.

Uă cau tus tàm Anih tờm yal tơng^t broă lơh nàng jòi ală broă lơh di pal 

Là mpồl tus bal sac rơ wah cau lơh broă tơnơ\ tơngai kòp Covid-19, bi Phạm Thị Thùy Dung, Công ty TNHH Hapfa, [òn dờng Buôn Ma Thuột, càr Dak Lak dê pà g^t, tơnơ\ tơngai ơm yah ngài mpồl bơtìan, geh uă cau lơh broă lòt jòi broă lơh mơya mờ bơta kơ\p kờ` tam gơl tus broă lơh pa. Bè broă do, den bi Dung tơngkah, cau lơh broă pal kơrhia ngan tài tơngai kòp gơlik geh ờ go\ di sền là tu\ tơngai niam nàng tam gơl broă lơh tu\ cau lơh broă ờ hềt rcang niam ală bơta chài ai gah lơh broă pa dê in.

Mờ jơnau kờ` tu\ do bơh công ty dê den kung ờ go\ sồr pal geh bồ tơngoh jak, broă lơh ờ geh bơta kal ke lơi ờ, tàm drà kă bro Buôn Ma Thuột do uă ngan là ală công ty dimơ mờ dềt den tàng ală cau lơh broă pal sền wơl mờ tam gơl wơ; tài bơh tơnơ\ tơngai kòp là ală cau lơh broă rê uă ngan, den drà kă bro tàm [òn dờng Hồ Chí Minh krơi is mờ [òn dờng Buôn Ma Thuột.

Jat tơr gùm kờp bơh Sở Lao động – Thương binh mờ Xã hội càr Dak Lak, tus jơh nhai 9 nam 2020, gùt càr neh bơsong broă lơh ai rlau 3 rơbô 200 nă cau lơh broă in, geh 76% pơn ndrờm mờ broă rơndap lơh. Nàng lơh gơs jơnau kờ` bơsong broă lơh ai 4 rơbô 100 nă cau lơh broă tàm nam 2020 in, mờ dong kờl dùl bơnah cau lơh broă ờ geh broă lơh in tơnơ\ tơngai kòp Covid-19 gờ` jòi wơl broă lơh, tàm tơngai tus Sở Lao động – Thương binh mờ Xã hội pơn jat pơgồp mờ ală kơnhoàl, [òn dờng, ală anih lơh broă, mpồl lơh broă, ală mpồl lơh sa kă bro tàm càr mờ bơdìh càr tơnguh broă bơyai lơh ală broă lơh pơlam, yal tơng^t broă lơh. Ồng Trần Phú Hùng, Kuang atbồ Sở Lao động Thương binh mờ Xã hội càr Dak Lak pà g^t.

Bè đah Sở Lao động –Thương binh mờ Xã hội geh Anih tờm drơng broă lơh lam lơh broă lơh tă tơm priă bảo hiểm cau ờ geh broă lơh, mơkung bơto pơlam ai cau do in digơlan tam gơl broă lơh, dùl là bơsram bơto bơtê broă lơh nàng lơh broă pa mờ dơ\ 2 là bơto pơlam nàng jòi broă lơh pa. Dơ\ 3 là tàm tơr bo\ bal mờ ală mpồl lơh sa kă bro nàng tu\ geh jơnau kờ` den yal ală cau do in rê wơl lơh broă.

Mờ ală bơta gơjat bal ờ niam bơh kòp Covid-19 dê tus mờ drà lơh broă, broă lam lơh ală bơnah dong kờl bơh Chính phủ dê ai mpồl lơh sa kă bro mờ cau lơh broă mờ ală broă lơh dong kờl lơh geh broă lơh geh là jơnau mblàng yal ing ai broă lơh bè cau ờ geh broă lơh in tềng đap mat, bulah gam uă ngan ka ke mờ bơta lòng.

            Cau cih Nam Trang- Cau mblàng K’ Hạnh