VOV4.K’ho -  Drim òr (16/06), mpồl lơh sa bal càr Dak Lak bơyai lơh pơrjum tơn jơh broă pơlòng kờ` gơboh mờ dà lơgar mờ pơn jờng mpồl lơh sa bal geh pơnrơ jăk tơngai bơh nam 2010 tus 2014. Geh 114 nă kuang bàng ala măt 355 mpồl lơh sa bal tàm gùt càr Dak Lak neh tus pơrjum. 5 nam do, ală mpồl lơh sa bal tàm càr Dak Lak geh tơnguh bơtàu sùm bè khà uă bal mờ khà niam. Ala măt 355 mpồl lơh sa bal tàm càr Dak Lak yal cồng nha tàm pơrjum pơn jờng, ồng Nguyễn Văn Phúc, kuang atbồ mpồl lơh sa bal gah lơh sa suơn sre Ea Kiết, kơnhoàl Cư\ Mgar pà g^t: “Gơwèt mờ 5 nam lơh jăt broă lơh kơphe kơl jăp tus tu\ do, mpồl lơh sa bal neh geh ală cồng nha niam mờ geh ală kơnă dờp. Gơwèt mờ mpồl lơh sa bal mờ ală cau tàm mpồl ai do là 1 broă dong kờl nùs nhơm mờ là bơnàng jă kờ` wèt tus bơ\t bơtàu mờ tơnguh bơtàu mpồl lơh sa bal sơlơ ngai sơlơ pràn kơl dang. Tơnơ\ mờ pơrjum do, bol a` geh lam sồr, yal mờ ală cau tàm mpồl bè cồng nha mờ mpồl lơh sa bal neh geh mờ ală bơnah broă lơh mờ mpồl lơh sa bal ndai neh geh mờ bol a` pal bơsram bal mờ ngui kờ` mpồl lơh sa bal sơlơ ngai sơlơ tơnguh bơtàu tàm tơngai tus”.

                                               Cau mblàng Ndong Brawl.