VOV4.K’ho - Drim òr 11/03, tàm [òn dờng Buôn Ma Thuột, càr Dak Lak, geh lơh Pơrjum bơtàu tơnguh sùm gah lơh kơphe Việt Nam, mờ bơta tus bal bơh uă ngan ală cau atbồ, ală mpồl lơh sa kă bro, cau mờng chài bè kơphê tàm lơgar mờ dunia dê. Đơng lam dơ\ pơrjum, ồng Cao Đức Phát kuang atbồ Gah Lơh broă sa mờ bơtàu tơnguh bòn lơgar dà lơgar đơs là, pơrjum ờ mìng yal tơngi\t jơnau, mờ geh tơlik ală bơta kơlôi sơnơng uă broă mờ pờ tơlik uă gùng dà bơsong nàng bơtàu tơnguh kơphê Việt Nam kơ\ kơljăp sùm, kơ nờm bơta tus bal bơh uă ngan cau lơh sa kă bro, cau jak, cau mờng chài bè kơphê tàm lơgar mờ dunia dê. Ồng Cao Đức Phát đơs:“ Bol a` kơ\p kờ` la, do là dùl dơ\ pơrjum bơh ală tiah, bơh ală cau ătbồ, bơh ală cau lơh sa kă bro, ală cau jak mờ jơh ală cau lơi sền gròi tus gah lơh kơphê Việt Nam dê, nàng bol he bal mờ gơ\p bulah tàm tơngai dùl ê\t ngan mơya gi\t ală bơta pràn, kuơmàng là ală bơta ờ pràn jak mờ bơyai ală gùng dà broă lơh, geh ală broă lơh bơtàu tơnguh tờm kơphê dùl bă kơ\ kơl jăp, cèng wơl ală cồng nha dờng ơnàng rlau ai cau tam kơphê mờ dà lơgar Việt Nam kờn gơboh bơh bol he dê in”.

                                                            }au mblàng Lơ Mu K’ Yến.