VOV4.K’ho- Lơh jat broă lơh tơl xã dùl phan bơna (OCOP), tus tŭ do, càr Dak Nông neh geh 36 phan lơh gơs bơh suơn sre geh dờp tơl khà OCOP khà bơh 3 tus 4 sơmañ. Mùl màl, Dak Nông neh bơyai lơh 2 dơ̆ sap sèng khà OCOP ală phan lơh gơs bơh suơn sre. Dơ̆ 1 geh 22 phan bơna geh sap sèng. Dơ̆ 2 geh 14 phan bơna geh sap sèng. Ală phan bơna geh Ủy ban Nhân dân càr lơh sră tơl khà OCOP geh ngui mat kă bro mờ sap sèng sơmañ nàng lip, lir tàm kơldung ơn phan. Do là dùl broă sền sơ wì kuơmàng, dong phan bơna geh gàr bè bơta niam, rùp phan lơh gơs, kơldung ơn phan mờ tơnguh bơta tàm pơrlòng tàm drà kă bro. Broă sap sèng OCOP neh pơgồp bơnah tơnguh ală phan geh bơta ƀuơn càr dê, tơnguh lơh sa suơn sre jat ròt bơta kuơ lơh geh.

Cau mblàng K’Duẩn