VOV4.K’ho- Kờñ tơnguh cồng nha broă lơh bơt bơtàu ƀòn lơgar pa, tŭ do, 22 xã neh tơl khà ƀòn lơgar pa bơh càr Dak Nông dê ndrờm lam lơh bơt bơtàu bơh 2 tus 4 broă lơh suơn lơh lài, mìr lơh lài rlau hơđang. Nùs nhơm tàm bơt bơtàu suơn lơh lài, mìr lơh lài jat gùng dà lơh sa suơn sre kloh niam, lơh sa suơn sre hưũ cơ mờ jơnau kờñ bơtàu tơnguh lơh sa suơn sre geh cồng nha, kơ̆ kơljap. Broă lam lơh broă lơh suơn lơh lài, mìr lơh lài geh lơh niam ngan, bơh dềt tus dờng. Lài mờ tŭ lam lơh broă lơh, ală tiah hời rơ hời dong kờl ală cau tờm suơn lơh sir “Tơl khà suơn lơh lài” geh 5 tơl khà.

Kuơmàng nàng gàr tơl khà “Phan lơh gơs bơh suơn gàr ờ do ờ dă kloh niam phan sa”, ală hìu bơnhă làng bol ndrờm rơcang lài ngui “4 ờ” tàm broă tam phan geh: ờ phơng hoá học mờ phơng ris, ờ phan lơh dờng pràn, ờ sơnơm sền gàr phan tam, ờ tam gơl gen mờ “4 ờ” tàm broă ròng phan, geh: ờ sơnơm kháng sinh, ờ phan ờ ai ngui, lơh gơguh kĭ, ờ ròng krơ̆, ờ tam gơl gen.

Cau mblàng K’Duẩn