VOV4.K’ho - Ua\ nam do, làng bol tàm [òn Trung Hoà, ntum Dak Gằn, kơnhoàl Dak Mil, càr Dak Nông neh pal kis tàm tiah kis gơbàn bơ\ bơl ngan bơh hìu prap phan bơh mpồl lơh broa\ sa  ka\ bro mờ lơh gơs sơnơm broa\ lơh sa Thái Phú Nông, sơnđan lơyah la mpồl Thái Phú Nông. Pa do, mpồl do gam chu sìô sia\ bơh khàr ơn dà sơnơm tàm [òn làng bol ơm kis geh gơ lơh làng bol ờ suk ngan Bơta pal đơs ngan la, làng bol neh ua\ dơ\ ngan pơyua sra\ kờ` bơsong bè bơta lơh bơ\ tiah kis mơya gơnoar atbồ mờ anih lơh broa\ geh gơnoar ờ hềt bơsong jơh.

Bơh 3 nam do, tu\ anih prap ơn phan bơh hìu mai\ lơh gơlik dà sơnơm drơng tàm broă lơh sa suơn sre bơh mpồl lơh sa kă bro Thái Phú Nông dê lơh broă, làng bol [òn Trung Hòa, ntum Dak Gằ`, kơnhòal Dak Mil, càr Dak Nông ờ huan ngan geh tu\ geh tiah ơm kis làng bol bè lài do. Bol a` geh mat tàm hìu bi Nguyễn Đình Thìn, ơm rềp anih prap ơn phan bơh mpồl lơh sa kă bro Thái Phú Nông. Tơnơ\ dơ\ mìu sơr gơlơh bè ràu jơh ù tiah, mơya [ô [ơ\ bơh sơnơm tu kung gam gơ hồl ngan. Bi Thìn ờ suk: Tơngai lài, hìu nhă sùm pal kong mờ bơta [ô [ơ\ bè phan chơt gam gơtìp ồm lề. Uă mang, jơh hìu nhă ờ gơtùi bic tài ờ gơtùi tă nhơm, jê bồ, rài kis gơlơh bè sơlơu\ wơl jơh:“ Tàm anih prap ơn geh bơta phan lơi den ờ git mơya [ô ồm ngan. Hìu a` rềp do ngan rlau jơh, uă tu\ kòn dềt, cau kra ờ gơtùi bic trồ ngai kung bè trồ mang tài [ô [ơ\. {ô [ơ\ lơh aniai uă ngan tus rài kis làng bol dê.”

Kong hòac huơr tơn bơh phan sang anih prap ơn hìu mai\ lơh gơlik dà sơnơm drơng broă lơh sa suơn sre Thái Phú Nông là ồng Trịnh Văn Tuấn, ơm tàm [òn Nam Sơn, ntum Dak Gằ`, geh bă ù ơnàng 5 chuờng, rềp tơn tềng kơlik bơh anih prap ơn phan do dê. Bă ù tu\ do gam tam bùm blàng mơya dà jù lik bơh anih prap ơn phan lơh tờm bùm blàng kung ờ jai hòn. Bal mờ hơ\, mpồl lơh sa kă bro Thái Phú Nông gam ai cau chu sồ siă, uă ngan là khàr, gri ơn dà sơnơm tàm bă ù do. Pa do ngan rlau jơh, mang ngai 2/7/2015, làng bol sền go\ cau bơh mpồl lơh sa kă bro do dê chu khàr, gri tàm bă ù ồng Tuấn dê, neh yal mờ gơnoar atbồ mờ kuang bàng lơh sră nggal lơh tìs. Ồng Trịnh Văn Tuấn ờ suk, blơi ù mơya ờ khin lơh hìu ơm tài ngòt gơbàn kòp bơh [ơ\ [ơl, tac ù kung ờ geh cau blơi, ai tam chi tam den ờ jai kis:“ Ù do tu\ do tac ờ geh cau blơi, khi đơs do là anih prap ơn sơnơm tu den tàng ờ cau lơi blơi. Tam bùm blàng den kung ndrờm bè sang gời tơn. Bơta kơp kờ` bol a` dê là tus ndo nàng lơh hìu ơm kis mơya tu\ do anih prap ơn sơnơm bè hơ\ den he pal ntrờn tus tiah ndai, ơm hìu ơpah rlau mờ ơm dùl tiah bè do. Kung dan là ntrờn anih prap ơn sơnơm nàng làng bol ơm kis, lơh aniai bè oh kòn, sàu sa, rài kis ờ jai kong ngan. Cau kra den ờ geh bơta lơi, mơya kòn se gơbàn kòp jê den nđàc ngan.”

Anih prap ơn bơh hìu mai\ lơh gơlik dà sơnơm drơng broă lơh sa suơn sre bơh mpồl lơh sa kă bro Thái Phú Nông dê ơm tềng gùl [òn làng bol ơm kis, gùt dar geh glòm mờ kơlik jơnhua ngan. Tơnơ\ dơ\ chu sồ siă gơtìp sền go\ tàm mang ngai 2/7 pa do, bol a` hòi điện thoại tus mờ ồng Nguyễn Thanh Tuấn, Kuang atbồ mpồl lơh sa kă bro Thái Phú Nông nàng geh tai jơnau tơngit. Bơh điện thoại, ồng Tuấn ờ bài lơh broă mờ đơs là, broă lơh gơbàn [ơ\ halà ờ neh geh anih lơh broă geh gơnoar sền sơ wì. Ai ồng Nguyễn Ngọc Thắng, kuang jat jơng atbồ kuang bàng ntum Dak Gằ`, kơnhòal Dak Mil den pà git, uă dơ\ làng bol geh jơnau đơs là mpồl lơh sa kă bro lơh [ơ\ tiah kis, sang sồ siă, kuang àng ntum tus lơh broă mơya ờ geh mut tàm dơlam anih prap ơn nàng sền:“ Mùl màl den bol a` kung go\ mpồl lơh sa kă bro Thái Phú Nông lơh broă tam cah is mờ bơdìh, ờ rơ wah cau tàm [òn lơgar mut lơh broă. Bol a` mut lòt sền mơya mìng geh wă tềng cơldu\ wă nac, ai tàm sơlam anih prap ơn bơh hìu mai\ dê den kung go\ [ô [ơ\ . Mùl màl bol a` kung ờ hềt broă lơh bol khi dê bè lơi, yuh dà [ơ\ tus tềng lơi ờ di là broă bol a` dê. Broă [ơ [ơl tiah kis bol a` ờ gơtùi đal git.”

Ồng Phạm Đức Châu, kuang atbồ Anih duh broă làng bol ntum Dak Gằ`, kơnhòal Dak Mil pà git, 3 nam do, gơnoar atbồ kung neh dờp geh uă ngan sră pơyua đơs bè bơta lơh [ơ\ [ơl tiah kis gùt dar anih prap ơn phan bơh mpồl lơh sa kă bro Thái Phú Nông dê, neh uă dơ\ yal mờ kơnă hơđang mờ geh sră nggal pơyua tus anih lơh broă geh gơnoar mơya tus tu\ do kung ờ hềt geh bơsong sơl. Ồng Phạm Đức Châu đơs:“ Pah tu\ làng bol pơyua sră, ntum kung yal mờ kơnă hơđang. Bè nùs nhơm ntum dê, ală anih lùp sền, sền gròi bè mpồl lơh sa kă bro Thái Phú Nông pal mhar geh jơnau đơs pơn dut loh làng nàng mblàng làng bol in git tìs halà di, geh [ơ\ [ơl tiah kis halà ờ. Mìng is bè đah mpồl lơh sa kă bro do, pa do, tơnơ\ mờ tu\ lơh sră sồr tus ntum nàng lơh broă mơya ờ bài tus anih duh broă làng bol, dră wơl jơnau đơs bơh kuang àng dê.”

Broă làng bol sền go\ mpồl lơh sa kă bro Thái Phú Nông chu sồ siă tàm ngai 2/7 tu\ do gam geh cơldu\ cảnh sát rơcang sơndră cau tìs bè tiah ơm kis PC49 di Kuang àng càr Dak Nông lùp khàu lơh glài. Tàm tu\ kơp broă geh sền sơ wì, lơh glài bơh ală anih lơh broă geh gơnoar, làng bol [òn Trung Hòa, ntum Dak Gằ`, kơnhòal Dak Mil, càr Dak Nông kung gam pal kong mờ bơta [ơ\ [ơl bơh anih prap ơn phan bơh mpồl lơh sa kă bro Thái Phú Nông dê.

                                                 Cau mblàng K’ Duẩn.