VOV4.K’ho – Ngai òr ( 24-6), Mpồl cau ling yau càr Dak Nông bơyai lơh pơrjum tơnjơh 4 nam mut lơh jat Kơrnuat sồr sồ 3 bơh Gah gùng dră bal dà lơgar dê “ Bè pơnjat tai chồl pràn bơsram mờ lơh jat ơnà jak Bác Hồ”. 4 nam do, Mpồl cau ling yau càr Dak Nông neh lam sồr cau tàm mpồl tă pơgồp mờr 10 tơmàn priă nàng mut lơh broă lơh gàr tơl niam rài kis mpồl bơtiàn, dong kờl bơsram, dong kờl cau jak chài mờ dong cau lòt ling bal geh rài kis kal ke.

Khà cau tàm mpồl cau ling yau kis niam, hìu nhă cau tàm mpồl geh khà jờng ngac ngar jak chài geh 90,5%. Uă mpồl bal, cau dùl nă să tàm mpồl cau ling yau gơs là cau geh pơnrơ jak tàm broă bơsram mờ lơh jat ơnà jak Bác Hồ. Ồng Nguyễn Thanh Quang kuang jat jơng atbồ Mpồl cau ling yau càr Dak Nông pà git: “ Tàm tơngai tus bol a` geh ai tơlik broă bơyai lơh mpồl bal jat srơh broă lơh nàng bơto bơtê, pơlam tàp mờ mblàng yal. Do là gah broă lơh kuơ màng ngan, den tàng pal tam klac krà` cê mờ broă bơsram mờ lơh jat ơnà jak Bác Hồ tàm ală srơh pơrlòng mpồl cau ling yau lam lài. Tu\ do, bol a` gam mut lơh srơh “ 2 lam lài 3 lơh ơnà jak”, ai srơh broă lơh mut ngui tàm ngan ngồn rài kis mờ tơnguh kơnòl bơh kuang bàng, cau ling yau dê. Bol a` geh sơlơ bơt bơtàu broă lơh mờ sơlơ tơnguh rlau tai cau geh pơnrơ jak tàm broă bơsram gơjat bal mờ broă lơh sền gròi krà` cê rlau tai.”

                                                                       Cau mblàng K’ Duẩn.