VOV4.K'ho- Nhai prang tàm ngan tàm Tây Nguyên là bơta lơh gơkòl ngan tàm broă lơh broă sa, bơta ờ tơl dà tuh pah nam slơ ngai slơ gơbàn uă ngan. Nàng tơmù bơta kal ke do, tàm ntum Đak Gằ`, kơnhòal Dak Mil, ]àr Dak Nông, làng bol neh geh bơceh lơh geh ală tơnau dà dă mờ bàk mơ tơn tàm suơn chi, mờ neh cèng geh ]ồng nha ai go\ loh ngan tu\ ală dà nhòng, dà ]roh, tơnau dà ndai tàm do gơbàn soat jơh.

Tàm bơta tơngai duh rơ ồ ngan mờ jơh dòr bơnơm ndrờm ro kơnra`, suơn kơphe 1 rbô 600 tờm mờ git nđờ rhiăng `jrong tiêu bơh hìu nhă bi Trần Trung Kiên, ơm tàm bòn 10, ntum Dak Gằ` kung gam gơs tơlir ngan, kơnờm geh bồm mờ dà tàm tơnau dà dă mờ bàk, geh tờ tàm suơn tơn. Bi Kiên pà git, hìu nhă tờ tơnau dà mờ mai\ cho\ ù, jrô 6 thơk, jòng 24 thơk, ơnàng 16 thơk. Tàm đơm mờ gùt dar tơnau geh dă mờ dùl rbô thơk vuông bàk, priă bơcri lơh mờr 30 tơlak. Tàm nhai mìu, tơnau geh dơng bềng dà, mờ khà dơng tus 1 rbô 500 khối, bơ tơl dà khà gơtìp ờ geh tàm nhai prăng. Bi Kiên đơs: “ Bơta dà bồm tờm kơphe mờ tờm tiêu in den kal ke ngan, ờ uă nam lài kal ke ir den tàng hìu nhă a` kung jòi git, bơsram jat, mơkung tờ is dùl nơm tơnau dà, priă bơcri lơh ờ huan uă, gàr tơl dà bồm dùl lồ mờ gùl kơphe hìu nhă dê tàm kàl prăng. Tu\ ngui bơh 4 tus 5 nam den bol he pal ala bàk pa, nàng gàr niam broă bồm dà ală nam tơnơ\ in.”

Bi Đỗ Đình Nam, ơm tàm ntum Dak Gằ` kung lơh tơnau dà dă mờ bàk ơnàng ndrờm mờ 2 tơnau dà, tài hìu nhă bi geh 3 lồ kơphe mờ tiêu. Bi pà git, bi tờ tơnau tềng tiah jơnhua ngan lau jơh tàm mìr. Tài gơlin bè khà jơnhua, dà bơh tơnau gơtùi hòr is mờr jơh tàm mìr bi dê. Pah du\ kờ` bồm dà, bi mìng pờ van, ờ duh pal ngui mai\ bồm, den tàng tềm pềr geh priă jền lơh broă. Bi Nam đơs: “ Bồm dà geh is bơh nhai mìu dê mờ lời nàng ngui nhai prang in, tu\ soat dà den bol a` mìng yuh nàng gơhòr tờm tiêu halà kơphe in. Pah dơ\ mìng pờ khóa đah đơm mờ bồm tơn, ờ duh pal ngui mai\ bồm. a` tờ tơnau do mờ ngui neh 4 kàl bloh, bàk kung neh ngui tus 4 kàl sơl, kơnờm geh tơnau do mờ geh tơl dà bồm tàm ală nhai prăng pa do.”

}ồng nha broă tờ tơnau dà dă mờ bàk tàm 2, 3 nam do neh ai go\ loh làng ală bơta niam rlau tu\ sơndră bơta soat dà chi tam in tàm kàl prang duh tàm Tây Nguyên. Mơya tàm khà rlau 1 rbô 500 hìu nhă làng bol gùt ntum, mìng rơp geh 12 hìu nhă khin bơcri lơh. Ală hìu nhă gam wơl ờ geh priă lơh den tàng kung gam gơtìp kal ke tàm bơta jòi dà bồm chi tam in. Ồng Y Srao kuang atbồ mpồl ]au lơh broă sa ntum Dak Gằ` pà git:“ Đơs bal tiah kal ke là tiah rơbah den kung gam uă, khi ờ geh priă jền nàng lơh, bulah git bơta do, kơp kờ` tus do, mpồl ]au lơh broă sa kung bè ală kơnă, ală gah broă lơh, gơnuar atbồ tàm [òn lơgar pal jòi tơl broă lơh nàng ală kơnă dong kờl, kờ` geh dà dơng tàm nhai mìu, ngan là ntum Dak Gằ` là tiah ờ geh dà.”

                                                                                                                          }au mblàng K' Duẩn.