VOV4.K’ho- Kơnhoàl Tuy Đức là tiah tam măc ca uă ngan rlau jơh càr Dak Nông dê, mơya phan lơh geh mìng bal hiă tàm bơta gar lơm. Mờ bơta kơ\p kờ` lơh li la phan lơh geh bơh mắc ca, tơnguh priă lơh geh, bi Tôn Nữ Ngọc Như, deh nam 1990, ơm tàm xã Dak Buk So, neh kơlôi sơnơng lơh gơlik cồng nha dà toh mắc ca lơh bơh gar ris, bơh sơn rờp geh cau ngui sa kờ` ngan.

Là cau gùt nam ờ ru ngan mờ broă blơi, tăc, plồ kơmhồ, pơr ro gar mắc ca, mơya kờp jơh phan lơh geh mờ bi Ngọc Như tăc geh kung mìng hơ đơm 5 tấn gar pơr ro, kờp mờ priă pơgap 1 tơmàn 500 tơlak đong. Bi Như đơs, kă bro gar mắc ca tu\ do gơ gơs là broă lơh geh uă cau lơh jat.

                                 Bi Ngọc Như lơh gơlik cồng nha dà toh mắc ca  

Jơh gùt kơnhoàl Tuy Đức geh g^t nđờ jơ\t anih kă bro. Broă lơh bơh ală hìu bơnhă dê ndrờm bal lơm mờ phan lơh gơlik lồi du\t mìng là gar mắc ca pơr ro tam cah nggùl kơmhồ. Phan bơna lơh gơlik [ô bơkah, mơya kung bè ờs lơm.

Bi Như kơlôi sơnơng, kờ` lơh pràn broă tac phan lơh geh den pal pờ ơnàng bơta g^t gơ\p mờ cau năc, tàm hơ\, sền gròi tàm cau kra mờ  kơnòm dêt. Bơh hơ\, bi Như kơlôi sơnơng mờ jòi broă lơh lơh gơ lik dà toh mắc ca. Bi Như gơ lơh kung nrơ\t ngan tài bơh phan lơh geh bulah pa ngan mơya geh uă ngan năc kờ` mờ blơi ngui.

Bơh sơn rờp a` mìng lơh dùl ết gời mờ lời năc in ai jơnau đơs mờ sền sơ wì. Bơh sơn rờp den tăc mờ ală mè geh kòn dềt mờ khi đơs là bơkah ngan mờ khi blơi uă ngan. Mắc ca den [ô thồm bơkah, dà toh mắc ca geh [ô thồm bè plai neh pơr ro mờ mìng là tam gơl bơh sa tus mờ hùc gời. Dilah gar den kơnòm dềt ờ hềt geh sề, cau dờng sơnam sề ờ pràn den ờ gơ tùi ngui sa mơya neh là dà toh den ndrờm gơtùi ngui bal lơm mờ buơn ngan.

            Phan lơh geh dà toh mắc ca bơh anih Như Ý dê tàm kơnhoàl tiah nhàr lơgar Tuy Đức, Dak Nông

Dà toh mắc ca [ô thồm geh is, bơkah lơmă, uă bơta pràn bơkah, di pal mờ cau kra mờ kơ nòm dềt in. Là cau blơi mờ ngui dà toh mắc ca bơh ală ngai sơn rờp, mò Nguyễn Thị Loan ơm tàm thôn 3, xã Dak Búk So đơs là, să tờm tơnơ\ tu\ `ô dà toh mắc ca sền go\ cồng nha loh làng ngan, hơ\ là să jan pràn kơl dang, kơl tau muh mat hàng niam; ală sau mò dê hùc den să jan dờng pràn niam ngan. 

A` geh 2 nă sau, kòn dờng 5 sơnam mờ sau tơnơ\ là 2 sơnam. Bơh bồ nam a` go\ bi rềp [òn bal blơi ai kòn khi in hùc den a` jòi blơi nàng ai ală sau in `ô sơl. Pah ngai a` blơi pơgap 2 lít mờ khà priă 200 rơbô đong rê ai sau in hùc mờ jơh bal mờ ùr bơklau a` kung hùc sơl. Ală sau mờ bau klau a` kờ` ngan bơta [ô thồm bơh dà toh mắc ca dê, [ô thồm, lơmă mờ buơn ngan hùc. Ală sau a` ngui dà toh mắc ca den să jan dờng, chăm jơnhoa mờ pràn ngan…

                                 Plai mắc ca ris ngui nàng lơh gơlik dà toh mắc ca

Bal mờ kơphê, tiêu, kao su mờ [ùm blàng, den mắc ca là dùl tàm ală chi tam tờm kuơ màng tam tiah do dê. Gùt kơnhoàl geh 1 rơbô lồ mắc ca, tàm hơ\ geh rlau 400 lồ gam tàm tơngai tơn hào, pah nam kờp du\ rlau 100 tấn plai. Ală nam pa do, uă hìu bơnhă neh khin cha lơh hìu xưởng, blơi ma\y mok lơh gơlik pa mờ lơh gơlik mắc ca. Mơya, ală phan lơh geh ndrờm bal lơm, ờ cèng geh bơta pa mờ krơi is

Mò Phạm Thị Phượng – Kuang atbồ phòng Nông nghiệp mờ Phát triển nông thôn kơnhoàl Tuy Đức đơs, tu\ do anih lơh gơlik Như Ý bơh bi Như dê lơh tờm neh lơh gơlik cồng nha dà toh mắc ca là bơta tềl tongo\ chờ hờp ngan.

Anih kă bro mắc ca Như Ý neh lơh gơ lik cồng nha dà toh bơh gar mắc ca. Bulah mờ broă lơh tàm hìu bơnhă lơm mơya phan lơh geh do bơkah krơi is ngan, lơh geh gùng dà broă lơh ai tiah do in. Bol a` gam cribơyai mờ UBND kơnhoàl Tuy Đức nàng dong kờl mpồl lơh sa kă bro in rề ơnàng broă lơh sa, rề ơnàng broă lơh nàng mut ngui cèng wơl priă lơh geh kung bè bơta kuơ bơh tờm mắc ca tàm tiah do in.

Cau cih Tuấn Long- Cau mblàng K’Hạnh