VOV4.K’ho- Ờ tam gơl tơr mù ală broă jàu bơtàu tơnguh lơh sa- mpồl bơtìan nam do dê, tơr gùm lơh niam wơl lơh sa, rcang sơn dră geh cồng nha kòp bạch hầu mờ rcang niam bơyai lơh geh cồng nha pơrjum dờng Đảng càr dê, hơ\ là ală tơngume đơs pơn du\t tàm dơ\ pơrjum dơ\ 20, Mpồl đơng lam Đảng bộ càr Dak Nông khoá 11 tơngai lơh broă bơh nam 2015-2020.

Jat jơnau đơs bơh Tỉn ủy Dak Nông dê, tàm 6 nhai bồ nam, bulah kong mờ bơta gơ rềng bơh kòp Covid-19, càr kung gam lơh geh bơta gơguh lơh sa rlau 6%; tă dia 1 rơbô 260 tơmàn đong, lơh geh 47% jơnau kờp du\ lài. Càr neh ai càn priă bơcri rlau 35% pơgồp bơnah lơh niam wơl, sơlơ bơtàu tơnguh lơh sa tàm tiah do dê tơnơ\ tơngai kòp.

Tàm dơ\ pơrjum, ală kuang bàng neh tơr gùm cribơyai, lơh loh ală bơta gam ờ niam tàm broa bơtàu tơnguh lơh sa- mpồl bơtìan tàm tiah do dê 6 nhai pa do mờ jòi gùng dà broă lơh nàng lơh gơs geh cồng nha mờ sơr lèt jơnau kờ` nam 2020, mờ jơnau kờ` gơguh lơh sa mờr 8%. Bal mờ broă lơh niam wơl bơtàu tơnguh lơh sa, càr kung sơr băc mhar lơh ngan rcang sơn dră geh cồng nha kòp bạch hầu mờ rcang niam bơyai lơh geh cồng nha pơrjum dờng đảng bộ càr dê.

Cau mblàng K’ Hạnh