Lơh sa kàl prang nam 2014-2015 geh yal la tìp ua\ ngan kal ke. Jat jơnau yal lài bơh Gah lơh  sa sươn sre kơnhoàl Krông Nô, càr Dak Nông dê,  dà tàm ala\ dà dờng, dà croh tàm Krông Nô tơngai bồ kàl lơh sa geh tàm khà ờ ua\ ngan rlau mờ ua\ nam, tài kàl mìu tơnjơh gờ`. Tus nggùl mờ lồi kàl lơh sa, di gơlan geh ua\ ngan croh dà, dà dờng gơtìp soat, den tàng, khà dà kờ` drơng tàm broa\ lơh sa mờ sơndra\ mờ trồ prang gơtìp  ua\ kal ke. Kờ` rcang sơndra\ mờ ala\ kal ke bơh trồ tiah tàm lơh sa kàl prang 2014-2015 do,  gah lơh sa sươn sre kơnhoàl Krông Nô neh lơh jat ndrờm  bal ua\ broa\ lơh mùl màl kờ` tơl niam cồng nha, khà niam phan tam tus gùt kàl lơh sa.

Ală ngai do, làng bol lơh broă sa kơnhòal Krông Nô, càr Dak Nông gam tơr gùm tus mờ broă sih tam mờ sơngka sền gàr kàl mrềt prang 2014 - 2015. Ngan là kơnhòal sùm gơlik geh bơta trồ prăng dờng soat dà lơh aniai tàm tơngai lồi kàl, den tàng broă sih tam geh gah lơh broă sa kơnhòal Krông Nô sền dờng màng, kờ` gàr niam tơngai kàl lơh sa, ală bơta sơntìl mờ broă ngui dà tềm pềr dipal. Nàng tơnguh jơnhua cồng nha tơnhàu, gah lơh sa suơn sre kơnhòal Krông Nô geh sơ lơ mut lơh rề ơnàng ală broă lơh tam sơntìl kòi pa, kòi ờ bơrlu\, tơ ngời sơntìl pa geh cồng nha tơnhàu uă tàm kơn hòal.

Pơn drờm mờ tơl nam, kàl mrềt prang nam do tàm ntum Buôn Choah, kơnhòal Krông Nô geh lơh gờ` rlau, tus tu\ do, bơdìh mờ broă lơ òr ù, sac rơ wah sơntìl kung geh làng bol lơh jơh. Jat anih duh broă làng bol ntum Buôn Choah, kàl mrềt prang nam do, ntum geh rơndap broă sih tam mờr 920 lồ chi tam ală bơta. Nàngkàl mrềt prang geh mut lơh buơn bùai, bơh tơ nơ\ tơnhàu jơh kàl hàm mrềt, gơnuar atbồ ntum neh lam sồr làng bol lơ òr ù, jì `hơt mờ sùm sền gròi tơngai kàl lơh sa nàng geh bơta rơcang lài tàm broă lơh. Mờ bă kòi sre sùm gơtìp trồ prang dờng lơh aniai, gơnuar atbồ tàm bòn lơgar lam sồr làng bol tam gơl nàng tam ală bơta chi tam ndai. Tu\ do, bă ù tam tơ ngời neh geh tam, ai kòi den làng bol sơn đờm sih tam uă. Ồng Nguyễn Văn Thịnh kuang jat jơng atbồ anih duh broă làng bol ntum Buôn Choah pà git:“ Nàng pleh gơtìp trồ prăng dờng soat dà lơh aniai den sơntìl tơ ngời làng bol kung rơ wah sơntìl tơ ngời lơyah tơngai geh cồng nha tơnhàu niam mơkung tam gờ` nàng rơcang sơndră trồ mrềt, gàr niam tờm tơ ngời hòn gơs niam rlai. Ai bè tờm kòi den uă ngan là geh rơ bòng dà tơl niam, drơng niam tờm kòi in den tàng làng bol rơ wah ală sơntìl kòi niam nàng gàr bơta niam phe, khà priă tac geh yòm. Pah nam làng bol kung gam rơ wah 2 bơta sơntìl la VF1 mờ RBT.”

Broă rơcang tus kàl lơh sa kung geh ntum Nam Đà, kơnhòal Krông Nô mut lơh yal tơl làm làng bol in bơh broă lơh ù, jì `hơt, jơm glòm sơntìl, sih tam. Ntum kung pơ gồp bal mờ anih pơlam broă lơh sa, anih sền gàr phan tam kơnhòal bơyai lơh uă ơdu\ bơto pơlam bơt bơtàu ală broă lơh tơr lòng lai sơntìl, tam jàu bơta chài lơh broă nàng làng bol in git, mut ngui tàm broă lơh sa, kờ` lơh geh cồng nha uă ngan rlau jơh. Tu\ do uă ngan ală hìu nhă neh lơh ù, jơm sơntìl mờ sih tam tàm bă ù ơnàng ngan. Tài do là kàl lơh sa tờm ngan tờm nam den tàng ală hìu nhă lơh broă sa rơcang tơl niam tàm jơh ală bơta nàng broă lơh sa geh cồng nha niam. Tàm kàl mrềt prang, ală bơta kòp tu sa aniai bè `ui, kòp ro croăn `ha kung buơn ngan gơlik geh, den tàng bal mờ broă mut ngui ringbal ală bơta chài lơh broă den broă rơ wah sơntìl jai sơndră `ui kung geh làng bol sền gròi lài ngan. Mò Huỳnh Thị Huyền ntum Nam Đà pà git:“ Làng bol nam do kung rơcang sih tam, kung bè ngòt koat bàl lơh aniai, pa do den koat sa aniai kòi uă ngan, ai dà tàm dà dờng đơs bal kung tơl.”

Nàng kàl mrềt prăng 2014-2015 geh niam, ntum Nam Đà neh pơ gồp bal mờ mpồl lơh sa kă bro mut ngui bơ tơt rơ bòng dà kơnhòal Krông Nô lòt sền ală tơnau dơng dà, bơ tơt rơ bòng dà, gàr tơl dà tuh di tu\. Ồng Nguyễn Thanh Hùng kuang jat jơng atbồ anih duh broă làng bol ntum Nam Đà pà git:“ Tus tu\ do neh sih tam geh pơgap 30%, nam do krơi rlau mờ nam lài, ală blàng sre sùm ờ tơl dà tàm lồi kàl den he ai làng bol sih tam lài, ai ală bă sre buơn ai dà den tu\ do làng bol pa sơn đờm sih tam.”

Jat cơldu\ lơh broă sa mờ bơtàu tơnguh bòn lơgar kơnhòal Krông Nô, kàl mrềt prang 2014-2015, kơn hòal lơh ngan sih tam geh 4 rbô 225 lồ chi tam ală bơta. Nàng broă lơh sa geh cồng nha niam, gah lơh broă sa kơnhòal gam lơh ngan pơlam làng bol chồl pràn broă lơh sa jat rơndap broă ờ do ờ dă, geh cồng nha, kơ nờm tàm khà dà mờ trồ tiah. Ồng Nguyễn Gia Lộc kuang atbồ cơldu\ lơh broă sa mờ bơtàu tơnguh bòn lơgar kơnhòal Krông Nô đơs:“ Rơcang tus kàl lơh sa `hai mrềt prang den bơh nhai 10, anih duh broă làng bol kơn hòal neh geh sră nggal đơng lam ală anih lơh broă ờs mờng rơcang lài dơng dà tàm lồi nhai 10 nàng gàr niam tơngai lơh sa di kàl mờ rơcang lài dà bồm pleh trồ prang lơh aniai. Cơldu\ lơh broă kung cribơyai mờ anih duh broă làng bol kơnhòal đal git sơntìl kòi mờ tơ ngời sơntìl pa. bơdìh mờ kàl mrềt prang do, kơnhòal kung đơng lam rề ơnàng broă lơh blàng sre lồ dờng lơh lài tàm ntum Buôn Choah.”

Jat đơs lài, bơh tu\ do tus lồi kàl bơdìh mờ trồ prang soat dà lơh aniai, ờ tơl dà, den kòp tu sa aniai tus mờ ală bơta chi tam kung gơlik geh kal ke. Mơya, kơp kờ` mờ bơta rơcang tơl niam, kơnhòal Krông Nô, càr Dak Nông gơtùi lơh geh ală cồng nha niam tàm kàl mrềt prang do.  

                                               }au mblàng K’ Duẩn.