VOV4.K’ho – Rlau dùl nhai do, git nđờ rhiang nă cau tàm ntum Dak R’moan, [òn drà Gia Nghĩa, càr Dak Nông gơbàn uă ngan cau gơbàn kòp kơn jơ\ tu\ geh ngui sơnơm chức năng mờ sơnơm bơh Mpồl lơh broă kơnòl yal tơngit pràn kơldang să jan Đại Nam, sơnđan lơyah là mpồl Đại Nam, geh anih lơh broă tàm Hà Nội. Bơta pal đơs là mpồl do mìng geh ai yal tơngit ală phan bơna mơya neh bơyai lơh kham kòp mờ tac sơnơm tìs mờ ală geh cih. Broă do geh bơta ai go\ te\ tê bal bơh anih lơh broă geh gơnoar mờ gơnoar atbồ [òn lơgar:

Broă do sơn đờm gơlik geh bơh tơnơ\ dơ\ kham kòp ờ sa priă mờ tac sơnơm bơh Mpồl lơh sa kă bro Đại Nam bơyai lơh tàm ntum Dak R’moan, [òn drà Gia Nghĩa, càr Dak Nông tàm lồi nhai 6 pa do. Geh cau lơh broă bơh mpồl lơh sa kă bro dê kham kòp ờ sa priă, hơ\sồng gam yal geh sơnơm niam sơm di kòp, uă cau tàm ntum Dak R’moan neh ờ kơlôi tă priă blơi sơnơm, hơ\ sồng priă den roh mờ gam gơbàn kòp tai.

Mò Nông Thị Mùi ơm tàm [òn Tân Lợi, ntum Dak R’moan pà git, tơnơ\ mờ tu\ kham kòp, siêu âm jơh, cau lơh broă bơh Mpồl lơh sa kă bro Đại Nam đơs là mò gơbàn ală kòp bè kồ ntìng, gơguh mhàm, klờm bơtờp tơngi. Iat jơnau pơlam bơh cau lơh broă mpồl lơh sa kă bro dê, mò Mùi neh blơi 20 hồp phan hùc lơh pràn să jan tàm hơ\ geh Ích não vương Vạn Xuân, gan tỳ khang Vạn Xuân mờ cường xương khớp Vạn Xuân mờ khà priă kờp jơh mờr 8 tơlak priă. Tơnơ\ 2 poh hùc ală bơta phan do, mò Mùi gơtìp as jơh să jan, muh mat pu\, den tàng ngòt ngan, mò yal: “ A` go\ he geh kòp den ngòt ngan hơ\ sồng blơi hùc. Khi đơs là tàm 4 hồp den sơm 1 bơta kòp, pơn yơu kòp gơguh mhàm geh 4 hồp, kòp kồ ntìng hùc pa jơh, go\ ngòt den tàng blơi tơl bơta 4 hồp. Ờ git sơnơm ngan làh ờ, pa hùc ờ go\ geh bơta lơi, mơya tu\ hùc geh mờr gùl nhai den go\ să jan gơbàn as, den ngòt ngan mờ ờ khin hùc tai. Kơnờm anih lơh broă mờng chài tus sền, a` hùc `chi bơh tài gơbàn as bè hơ\.”

Jat ồng Lê Sỹ Cung, atbồ [òn Tân Lợi, ntum Dak R’moan, lài mờ tu\ bơyai lơh kham kòp mờ tac sơnơm, Anih duh broă làng bol ntum Dak R’moan mờ Hìu sơnơm ntum do neh geh sră nggal đơng lam jơh ală cau atbồ [òn, cau lơh broă bal lơh sơnơm tàm [òn mờ yal bơh loa pờ tơlik jơnau đơs làng bol in tus hìu pơrjum [òn nàng geh bơto pơlam sền gròi pràn kơldang să jan. Den tàng, jơh [òn Tân Lợi, ntum Dak R’moan neh geh mờr 350 nă cau tus bal kham kòp mờ geh pơlam bè pràn kơldang să jan ờ sa priă. Tàm hơ\ git nđờ rhiang nă cau neh blơi sơnơm mờ tơnơ\ mờ tu\ hùc ndrờm gơbàn ală tềl tơngo\ ndrờm bal. Ồng Lê Sỹ Cung đơs: “ Tơnơ\ dùl tơngai ngui sơnơm jat jơnau pơlam den geh ală cau hùc go\ gơlơh pu\, prồ dà, geh ală cau gơ prồ ndul, lòt đồm jê den tàng neh ờ hùc tai, ngai hơ\ a` pờ mpồng hìu pơrjum [òn, tơnơ\ hơ\ jàu cau lơh broă bal gah lơh sơnơm, khà cau blơi sơnơm bơh mpồl lơh sa kă bro do dê ndrờm geh ală tơng go\ ndrờm bal”

Ồng Đặng Hồng Vũ kuang atbồ hìu sơnơm [òn drà Gia Nghĩa, càr Dak Nông pà git, Đah lơh broă ờ do ờ dă phan sa càr Dak Nông mờ hìu sơnơm [òn drà Gia Nghĩa mìng ai gơnoar Mpồl lơh sa kă bro Đại Nam bơyai lơh pơrjum yal bè phan lơh gơs, sồr mpồl lơh sa kă bro ờ geh kham kòp, yal tơngit phan lơh gơs tìs mờ bơta geh ngan mờ ờ geh lơh broă tìs mờ tơngume neh cih mat. Mơya, cau lơh broă mpồl lơh sa kă bro do dê neh tràl sơbil kham kòp, mơkung tac phan lơh gơs tu\ ờ hềt geh bơta dờp bè broă bơyai lơh tac sơnơm. Ờ mìng bè hơ\, mpồl lơh sa kă bro gam tac is tai 2 bơta sơnơm ờ geh tàm sră neh cih mat là sơnơm bơh mpồl lơh sa kă bro sơnơm tơmba phan bơna lơh sơnơm Vạn Xuân mờ mpồl lơh sa kă bro VINA BEST ndrờm geh anih lơh boă tàm Hà Nội. Ồng Đặng Hồng Vũ đơs: “ Hìu sơnơm [òn drà neh đơng lam loh làng ngan, ai mpồl lơh sa kă broă bơyai lơh jat rơndap broă neh cribơyai mờ đah lơh broă ờ do ờ dă phan sa, pal sồr lơh di mờ jơnau cih. Hơ\ là mìng geh yal 3 bơta phan neh cih mat mờ mìng geh yal tơngit bè sơnơm. Mơya tu\ tus tàm [òn lơgar, mpồl lơh sa kă bro neh lơh ờ di broă kham kòp, yal uă rlau ală bơta sơnơm mờ đah lơh broă ờ do ờ dă phan sa ai gơnoar”.

Jat ồng Nguyễn Tấn Thành, kuang atbồ đah lơh broă ờ do ờ dă phan sa càr Dak Nông den lời gơlik geh bơta do là tài ờ geh bơta sền gròi bơh anih lơh broă geh gơnoar mờ gơnoar atbồ tàm [òn lơgar. Bơta pal đơs là hìu sơnơm ntum Dak R’moan tàm sră nggal pơyua Anih duh broă làng bol ntum Dak R’moan in neh bơ tơl tai broă lơh kham kòp ờ sa priă, mờ ờ geh kuang bàng lơh sơnơm sền gròi jat jơnau cih. Bơta do neh dong tus broă lơh tìs bơh mpồl lơh sa kă bro Đại Nam dê tàm [òn lơgar. Tàm tu\ hơ\, tơl jơnau tơngit bơh làng bol mờ anih lơh broă geh gơnoar càr Dak Nông mờ mpồl lơh sa kă bro Đại Nam ndrờm ờ geh kuơ. Bè kơnòl să tờm dê, ồng Nguyễn Tấn Thành đơs: “ Mờ gơnoar, kơnòl bơh đah do dê, geh cribơyai mờ sră nggal mờ kuang atbồ gah lơh broă ờ do ờ dă phan sa càr mờ sồr tơn đah lơh broă ờ do ờ dă phan sa tus sền, mhar hơ wơl broă do mờ mhar dờp wơl gơnoar kuơ làng bol in, khi neh tă priă blơi phan ờ di mờ jơnau yal tơngit hơ\.”

Tàm tu\ kơp bơta lơh broă bal bơh anih lơh broă geh gơnoar dê, git nđờ rhiang nă cau tàm ntum Dak R’moan, [òn drà Gia Nghĩa, càr Dak Nông kung gam jòi broă nàng sơm kòp mờ ală tơng go\ krơi is tu\ hùc phan lơh pràn să jan bơh mpồl lơh sa kă bro Đại Nam dê.

                                                                Cau mblàng K’  Duẩn.