VOV4.K’ho – Thuận Hà, Thuận Hạnh là 2 xã tiah nhàr dà lơgar bơh kơnhòal Dak Song, càr Dak nông dê. Dùl nam do, tu\ mpồl kuang àng chính quy geh sồr rê lơh broă tàm ală xã, bơta cau tìs tàm Dak Song neh gơmù; ua\ broă gơ rềng tus ma túy gơtìp kup bàn, pơgồp bơnah dong làng bol iang nùs bơtàu tơnguh lơh sa, lam lơh geh cồng nha broă lơh bơt bơtàu [òn lơgar pa tàm tiah nhàr dà lơgar.

Hìu ồng Đoàn Văn Lộc ơm tàm thôn 8, xã Thuận Hà, kơnhòal Dak Song, càr Dak Nông là anih yồng klèng sền gàr lơngap lơngai. Pah tu\ geh broă pal đơs lài, den ồng teh klèng nàng tơl nă cau in git. Ồng pà git, bơh tu\ geh sap klèng sền gàr lơngap lơngai, bơta kup kơ`au so tàm do ờ gam tai, mờ kung ờ gam tai ală cau bơh tiah ndai sùm tus gròi sền tàm do. Kuơmàng, bơh tu\ geh kuang àng chính quy rê lơh broă tàm xã, bơta lơngap lơngai ờ do ờ dă geh gàr niam, dong làng bol iang nùs bơtàu tơnguh lơh sa: “Geh ală broă geh 5, 6 nă cau đì rơndeh dờng ơm tềng do, khi to lu\ tàm hìu a`. Go\ bè hơ\ den a` ntoat teh klèng, bol khi ntoat dô, làng bol tàm do mù jơh tàm gùng, go\ geh cồng nha bè hơ\. Lài do den bơta kup kơ`au so, hơ\ sồng nhơl bài tàm do ua\ ngan, hơ\ sồng tàm ală hìu nhơl bi-da tàm sơne\ 3 ne, ală klau pơnu `ô ơlak bìer tam lơh tam pờng gơlik geh ua\ ngan. Mơya bơh tu\ geh kuang àng chính quy rê lơh broă den tàng bol bol hi iang nùs ngan, ală broă ờ niam bè hơ\ tus tu\ do ờ gam gơlik geh tai”.

Kuang àng xã Thuận Hạnh pơgồp bal mờ ală mpồl lơh broă kup bàn 183 broă tam cần sa bơrlu\ tàm suơn kơphe

Jat Thượng úy Lê Ngọc Anh, Phó Kuang atbồ Kuang àng xã Thuận Hà, bơsir, tơnguh cồng nha ală broă lơh rơcang sơndră cau tìs bè sap ntas klèng sền gàr lơngap lơngai, mpồl sền gàr lơngap lơngai atbồ is… là ală broă sơn rờp mờ ală bi lam lơh tu\ geh sồr rê lơh broă tàm xã bơh nhai 3 nam 2020. Kuang àng xã Thuận Hà neh mhar cribơyai mờ kấp ủy gơ noar atbồ tàm [òn lơgar tàm broă lơh atbồ sền gàr lơngap lơngai ờ do ờ dă, rơcang sơndră ală bơta cau tìs bơh [òn làng bol ơm kis: “Tơl thôn, [òn bè hơ\ den geh 2 nơm klèng, geh 1 mpồl sền gàr lơngap lơngai geh 8 nă cau, bơh kuang àng viên lơh cau atbồ mpồl mờ làng bol tus bal tơn. Bơh hơ\ den tàng bơta lơngap lơngai geh gàr niam, hời rơ hời ai geh bơta pin dờn bơh làng bol, mờ làng bol kung yal jơnau tơnggit kuang àng xã in ua\ rlau”.

Xã tiah nhàr dà lơgar Thuận Hạnh neh lơh gơs broă lơh bơt bơtàu [òn lơgar pa

Geh kuang àng xã chính quy, làng bol pin dờn, iang nùs, hơ\ là nùs nhơm bal bơh làng bol kis kềng tiah nhàr dà lơgar 2 xã Thuận Hà mờ Thuận Hạnh, gơ wèt kơnhòal Dak Song, càr Dak Nông dê. Ờ mìng lơh tơrmù ală bơta cau tìs, bơsong mhar sră nggal hành chính, mờ mpồl kuang àng chính quy rê tàm xã geh ală broă lơh đềt mềr mờ làng bol tai. Cau kra den sùm lùp còp, cau kơnòm să den tàm tơrbo\ bal mờ mạng xã hội zalo, hơ\ là broă mờ mpồl kuang àng xã Thuận Hạnh gam hời rơ hời rềp rlau mờ làng bol.

Thượng úy Nguyễn Đình Hưng, Phó Kuang atbồ Kuang àng xã Thuận Hạnh pà git, kơ nờm geh làng bol mờ ală bi neh lơh niam broă rơcang sơndră cau tìs, sền gàr lơngap lơngai, ờ do ờ dă tàm [òn lơgar, mờ tàm nam do neh pơgồp bal kupo bàn 5 broă lơh tìs bè ma túy, git go\, kơryan broă tam cần sa tàm tiah nhàr dà lơgar: “Oh mi kuang àng xã neh rơcang lài cribơyai mờ Đảng ủy, Ủy ban Nhân dân xã ua\ broă lơh, rơndap broă nàng lam lơh niam broă rơcang sơndră, kơryan cau tìs tàm [òn lơgar. Pơn rơ là broă lơh zalo sền gàr lơngap lơngai nàng tàm tơrbo\ mờ tàm pà jơnau yal bè lơngap lơngai, ờ do ờ dă, dơ\ 2 là broă lơh bơt bơtàu thôn [òn ờ geh tìs ma túy. Tus do den bol hi geh lam lơh dơ\ le\ bal tàm jơh ală thôn, tơrgùm chồl pràn tàm broă rơcang sơndră cau tìs ma túy, tài hơ\ là bơta tờm lơh gơlik ua\ bơta cau tìs”.

Tam biap tàm tiah nhàr dà lơgar Thuận Hà

Thượng tá Nguyễn Đức Thùy, Kuang atbồ Kuang àng kơnhòal Dak Song, càr Dak nông pà git, lam lơh rơndap broă ai kuang àng chính quy rê at ală gơ noar broă kuang àng xã, tàm mờr 1 nam do, jơh 9 xã bơh kơnhòal dê neh geh rơndap ai 54 nă kuang bàng kuang àng chính quy rê lơh broă, sơr lèt rlau 8% pơn drờm mờ broă rơndap lơh. Cồng nha geh pơn rơ là broă rơcang sơndră cau tìs tàmkấp hơ đơm geh cồng nha rlau, pơgồp bơnah tơrmù bơta tìs ma túy tàm tiah làng bol kòn cau: “Tơ nơ\ tu\ lam lơh tus tu\ do denbơta lơngap lơngai ờ do ờ dă tàm kấp hơ đơm geh gàr niam, broă rơcang sơndră mờ ală bơta cau tìs gơguh loh làng ngan, kươmàng là tam dră mờ cau tìs bè ma túy, tơngai lài, bol hi neh kup bàn 27 broă lơh tìs mờ 49 nă cau tac bro, prap ma túy. Mờ bơh tu\ ai kuang àng xã chính quy den bơta cau tìs tung kơ`au kung gơmù tơn, hơ\ sồng broă kup bàn ală broă tung kơ`au kung mhar ngan, geh ală broă ală oh mi kuang bàng neh kup bàn ală mpồl cau tìs gam tung kơ`au ua\ ngan, 10 tus 16 dơ\ tung kơ`au phan bơna, mờ lài do den ờ jòi bàn cau tờm kơ`au. Kuơmàng là gơ wèt mờ 2 xã tiah nhàr dà lơgar den mpồl kuang àng kung neh git broă gơlik geh mờ kup bàn ua\ broă lơh tìs, tàm hơ\ geh broă git go\ mpồl tam chi geh ma túy là tờm cần sa”.

Gàr niam lơngap lơngai [òn lơgar, gàr kơ\ ring lơngai, ờ do ờ dă mpồl bơtìan, neh pơgồp bơnah dong làng bol tiah nhàr dà lơgar Dak Song iang nùs bơtàu tơnguh lơh sa, bơt bơtàu [òn lơgar pa. Nam pa do, Thuận Hạnh neh geh dờp là xã [òn lơgar pa bơh càr Dak Nông dê. Nam do, xã Thuận Hà kung gam lơh ngan lơh gơs broă lơh do. Do là ală cồng nha pal pơn jờng ngan bơh gơnoar atbồ mờ làng bol tiah nhàr dà lơgar Thuận Hà, Thuận Hạnh, kơnhòal Dak Song, càr Dak Nông dê.

Cau cih Minh Huệ - Cau mblàng K’Duẩn