VOV4.K’ho- Ngai 10/11, Kuang àng càr Dak Nông neh bơyai lơh jàu wơl 100 tơlak đong ai bi Lê Thị Thu Thảo in, ơm tàm thôn Nam Tiến, xã Nâm Nung, kơnhòal Krông Nô là pơ ùr cau gơtìp chơ\t rềs àr tàm dơ\ tơrlah ù tàm Hìu ma\y pờ tơlik ồs đèng Rào Trăng 3. Bè VOV neh yal, tàm mho ngai 20/10, Kuang àng càr Dak Nông neh dờp sră yal bơh hìu bơnhă bi Lê Thị Thu Thảo dê ơm tàm thôn Nam Tiến, xã Nâm Nung, kơnhòal Krông Nô (pơ ùr  bơh bi Trần Văn Lộc  dê là công nhân gơ bàn chơ\t tàm dơ\ tơr lah ù tàm hìu ma\y pờ tơlik ồs đèng Rào Trăng 3, càr Thừa Thiên Huế). Bi Lê Thị Thu Thảo neh gơbàn cau ờ niam pơr lồm,  kơ`au te\ 100 tơlak đong bơh ală cau geh nùs nhơm niam dê dong kờl.

Kuang àng càr Dak Nông jàu 100 tơlak đong ai bi Lê Thị Thu Thảo

Tơnơ\ tu\ broă do gơlik geh, Kuang àng càr Dak Nông neh sồr mpồl lơh broă mhar lùp sền mờ lơh loh. Ngai 24/10, Kuang àng càr Dak Nông neh ku\p klau Nguyễn Văn Phúc deh nam 1997, ơm tàm kơnhòal Duy Xuyên, càr Quảng Nam là cau neh kơ`au te\ 100 tơlak đong bơh bi Thảo dê. Ngai 10/11, ala mat Kuang àng càr Dak Nông neh tus tàm hìu bi Thảo mờ jàu tàm tê bi dê khà priă 100 tơlak đong, mơ kung pơn dờm pơn điang hìu bơnhă bi sơr lèt gan kal ke, mờ gờ` bè ờs wơl rài kis.

Cau mbàng K’ Hạnh