VOV4. K’ho - Anih cảnh sát lùp khàu di kuang àng càr Dak Nông gam pơ gồp bal mờ ală mpồl lơh broă geh gơnuar lùp khàu, lơh loh dơ\ pơndiang dơm chi kơ`au tàm tiah nhàr lơgar di ntum Quảng Trực, kơnhòal Tuy Đức. Lài mờ hơ\, pơgap 10 jiơ mang ngai 27/01, cơldu\ cảnh sát lùp khàu cau tìs bè atbồ lơh sa mờ gơnuar broă di kuang àng càr Dak Nông pơ gồp bal mờ mpồl sền gàr brê kơnhòal Tuy Đức kup bàn 6 nă cau gam pơndiang dơm chi kơ`au tàm tiah ù gời tơ nơ\ hìu 1 nă cau tàm ntum Quảng Trực. Tàm anih kup bàn, mpồl lơh broă geh gơnuar sền go\ geh 30 gơl dơm chi di mpồl 2 tus mpồl 5, mờ khà rlai 10 khối 9. Jơh khà dơm chi neh geh òt, gam tơrgùm nàng rơcang pơndiang mờ rơndeh dờng lòt tac. Mpồl kuang àng neh lơh sră, kup ing jơh khà dơm chi mờ 3 nơm rơndeh dờng 16 cơ ghe\ nggui nàng pơndiang kơ`au dơm chi, jàu anih lơh broă geh gơnuar in lơh glài jat geh cih.