VOV4.K’ho- Mho ngai 27/7, Mpồl đơng lam rcang sơn dră kòp Covid-19 càr Dak Nông mờ Mpồl đơng lam rcang sơn dră kòp bạch hầu càr dê neh bơyai lơh pơrjum nàng kờ` ring bal 2,3 gùng dà broă lơh rcang sơn dră kòp tàm tơngai pa. Gơ wèt mờ kòp bạch hầu ngai 27/7, gùt càr geh 38 nă cau bơtờp mờ vi khuẩn bạch hầu tàm 13 tiah gơbàn kòp tàm 4 kơnhoàl là Krông Nô, Dak Glong, Dak R’lấp mờ Tuy Đức.

Kuang đơng lam bồ càr Dak Nông sồr ală anih lơh broă, ală tiah lơh jat niam

Tàm dơ\ pơrjum, ală gah sơnah lơh broă neh cribơyai bal, ai ală gùng dà broă lơh rcang sơn dră kòp Covid-19 mờ kòp bạch hầu. Đơs pơn du\t tàm dơ\ pơrjum, UBND càr sồr, ală gah sơnah lơh broă, ală tiah pơn jat tai lam lơh ală gùng dà broă lơh rcang sơn dră kòp Covid-19 jat jơnau đơng lam bơh Thủ tướng Chính phủ dê. Ală tiah bơyai lơh pơr jum dờng Đảng pal rcang dà rào tê lơh kloh khuẩn, đo să jan, ai tiah nggui cau ala mat in mờ bơta ơm yah ngài  di pal. Ală cau ala mat tus bal dơ\ pơrjum dờng tus yal tiah lòt rê.

Cau mblàng K’ Hạnh