VOV4.K’ho - Ngai òr 29/01, anih cảnh sát lùp khàu di kuang àng kơnhòal Tuy Đức, càr Dak Nông neh dờp kơrnuat lah yă broă lơh tìs, lah yă cau tìs mờ tơlik kơrnuat kup jàm ing tus mờ Phương Văn Thời, deh nam 1965, ơm kis tàm ntum Quảng Trực, kơnhòal Tuy Đức bè tìs koh kơl aniai brê. Lah yă cau tìs mờ mut ngui broă lơh kơryan ờ ai lik bơh bòn ơm kis tus mờ Điểu Hóa, ơm tàm ntum Quảng Trực, kung bè tìs koh kơl aniai brê. Jat mờ hơ\, tàm ngai 2/10/2014, Phương Văn Thời geh blơi Điểu Hóa dê 1 bă ù mìr mờr 1 lồ kung gam uă tờm chi brê tàm bă brê 1455 bơh mpồl ling 726 sền gàr, di ntum Quảng Trực, kơn hòal Tuy Đức mờ khà priă 45 tơlak. Tơ nơ\ mờ tu\ tong lài 20 tơlak priă, Thời go\ tàm tiah rềp bă ù mìr kung gam brê, den tàng neh ơpah Điểu Hóa kơl tờm chi brê nàng rề ơnàng bă ù, mờ khà priă 10 tơlak. Điểu Hóa neh ngui yoas pès, rơnđòt xăng nàng òt chi tàm 1 poh, tu\ òt jơh den bă ù brê ơnàng di pơgap 1 lồ. Tu\ òt jơh, Điểu Hóa geh Thời tong 10 tơlak priă ơpah mờ 25 tơlak priă blơi ù mìr ờ hềt tong jơh. Ngai 26/12/2014, tàm tu\ Thời gam lơh sră tac ù do, ơnàng pơgap 2 lồ ai 1 nă cau tàm kơn hòal Dak Song in mờ khà priă 160 tơlak, den gơtìp mpồl kuang àng sền go\, hòi rê lùp khàu. Bơh cồng nha sền gròi, đal git hoàc huơr bè dơm chi mờ tiah ơm kis bơh ală cau do lơh gơbàn là mờr 100 tơlak.