VOV4.K’ho – Ngai òr 10/12, tàm pơrjum dơ\ 12, Mpồl duh broă ala mat làng bol càr Dak Nông kơnă II neh tơn jơh at gơnoar broă mờ pồ kuang bàng at gơnoar broă Kuang atbồ  mờ ală Kuang jat jơng atbồ Anih duh broă làng bol càr, Kuang jat jơng atbồ Mpồl duh broă ala mat làng bol càr Dak Nông.

Tàm dơ\ pơrjum do, ală kuang bàng neh pờ tê tơn jơh at gơnoar broă Kuang atbồ Anih duh broă làng bol càr Dak Nông tus mờ ồng Lê Diễn mờ pồ bơtơl ồng Nguyễn Bốn kuang jat jơng atbồ Anih duh broă làng bol càr Dak Nông guh at gơnoar broă Kuang atbồ Anih duh broă làng bol càr Dak Nông. Tơn jơh at gơnoar broă Kuang jat jơng atbồ Anih duh broă làng bol càr Dak Nông tus mờ ồng Nguyễn Đức Luyện nàng rê rlô lơh broă tài neh jơh sơnam jat jơnau cih bơh adat boh lam dê. Mơkung pồ ồng Trần Xuân Hải kuang atbồ Gah Rơndăp broă mờ bơcri priă càr Dak Nông mờ ồng Trương Thanh Tùng kuang atbồ đơng lam Đảng kơnhoàl Cư\ Ju\t guh lơh gơnoar broă Kuang jat jơng atbồ Anih duh broă làng bol càr Dak Nông tơngai lơh broă bơh nam 2011- 2016. Kung tàm dơ\ pơrjum do, Mpồl duh broă ala mat làng bol càr Dak Nông neh ring bal 16 kơrnoat di mơ tơngai tu\ tơngai bơh nam 2016- 2020 tàm ală broă lơh sa- mpồl bơtiàn, lơngăp lơngai mờ sền gàr dà lơgar tàm càr tàm tơngai tus.

Cau cih mờ yal tơngi\t- Lơ Mu K’ Yến