VOV4.K’ho – Ngai 26/05, Anih tờm bơto tề lam kuang bàng mờ kơlôi sơnơng jak chài di Anih duh broă gah tề lam gùng dră bal dà lơgar Việt Nam dê neh pơgồp bal mờ Anih duh broă gah tề lam gùng dră bal dà lơgar Việt Nam càr Dak Nông bơyai lơh dơ\ Pơrjum cribơyai cồng nha sền pơndrờm khà kờp cồng nha atbồ mờ lơh sră nggal dà lơgar kơnă càr (đơs bal là PAPI) nam 2014 ală càr Tây Nguyên. Tàm dơ\ pơrjum, ală kuang bàng mờng chài broă do mờ ală cau jak neh yal ală jơnau bè gùng dà tam gơl khà kờp PAPI tàm kơnă dà lơgar bơh nam 2011- 2014; cồng nha khà kờp PAPI nam 2014 bơh ală càr Tây Nguyên dê mờ tàm pơndrờm bơh 4 nam (2011- 2014); jơnau bơsram mờng chài bơh kơlôi sơnơng dong pơlam broă lơh ngui khà kờp PAPI tàm ờ uă càr tàm ală nam do…Cồng nha kơlôi sơnơng bè khà kờp PAPI nam 2014 là bơnàng jă nàng ală càr Tây Nguyên ai geh ală jơnau bơsram mờng chài nàng đơng lam, kuang bàng, cau lơh broă sa priă nhai dà lơgar ală kơnă, ală gah mờ tơnguh jơnhoa cồng nha đơng lam, atbồ dà lơgar, geh broă lơh ala dà lơgar mờ jơnau kờ` lơh broă làng bol in ngai sơlơ niam rlau, tă pơgồp tàm bơta bơtàu tơnguh bal bơh dà lơgar dê.