VOV4.K’ho- Ngai òr, 29/7, Mpồl đơng lam rcang sơn dră kòp Covid-19 càr Dak Nông bơyai lơh pơrjum mhar nàng kờ` lam lơh ală gùng dà broă lơh rcang sơndră kòp geh cồng nha tơnơ\ g^t geh cau sơn rờp bơh Đà Nẵng rê tàm Dak Lak.

Tàm dơ\ pơrjum, ala mat ală gah sơnah lơh broă tàm Dak Nông ring bal mờ broă lơh jat bơta mờng chài dơ\ 1 rcang sơn dră kòp Covid-19, bè sồr ơm yah ngài mpồl bơtìan; sền gròi mpồl cau bơh ală càr geh kòp rê tàm Dak Nông mờ lơh kham sac rơ wah, ơm ing broă lơh pơn diang năc bơh tiah do dê tus ală tiah geh kòp, jơh bal mờ rơndeh bus lòt tàm càr Dak Lak mờ Dak Nông. Mpồl ling sền gàr tiah nhàr lơgar pơn jat tai sền gròi ală anih kơryan kòp tàm tiah nhàr lơgar mờ lơgar Campuchia. Mpồl kảnh sát gùng lòt pơn jat tai lơh jat kơryan sền gròi kòp Covid-19. Kuang atbồ Mpồl đơng lam rcang sơndră kòp Covid-19 càr Dak Nông dê pà g^t, càr geh bơyai lơh sơn dră kòp geh cồng nha mờ nùs nhơm geh kơnòl uă ngan.

Cau mblàng K’ Hạnh