VOV4.K’ho- Mò Tôn Thị Ngọc Hạnh, Phó Chủ tịch Ủy ban Nhân dân càr Dak Nông pa ki\ kơrnuat ring bal rơndap broă kơnòl khoa học công nghệ bè khà gen càr Dak Nông, tơngai bơh nam 2021 tus nam 2025.

                                                            Li la sinh học tàm tiah Tà Đùng

Jơnau kờ` tờm bơh rơndap broă dê là prap gàr ală khà gen chi che bơh jo\ tàm tiah do, bal mờ hơ\ là ngui ală bơta kươ li la sinh học ai bơtàu tơnguh lơh sa, sền gàr pràn kơldang să jan mờ bơto bơtê tiah ơm kis in.

Jat rơndap broă, brê geh is tàm Dak Nông geh ală bơta chi che li la ngan bal mờ mờr 1 rbô 500 bơta, tàm hơ\ geh 80 bơta geh cih tàm sră pơrhê Việt Nam (gơ wèt mpồl phan ờ huan geh tai). Gùt càr geh 255 bơta tờm sơnơm geh ngui tàm mpồl bơtìan ală jơi bơtìan kòn cau mờ geh tam pà bơta kuơ jat 21 mpồl kòp krơi is, tàm hơ\ geh 15 bơta tờm sơnơm kuơmàng ờ huan geh ngan. Tu\ do, tàm Dak Nông đơs is mờ Tây Nguyên đơs bal kung gam gơlik geh bơta gơmù bè bă brê mờ bơta niam brê. Ua\ bơta chi che kuơmàng gơtìp mus kơl tus ờ gam tai jơh bal bè bơta mờ khà, geh tu\ gam pơhìn là ờ gam tơn.

Cau mblàng K’Duẩn