VOV4.K’ho- Ngai 27/01, Ủy ban Nhân dân càr Dak Nông bơyai lơh pơrjum Mpồl đơng lam rcang sơn dră kòp Covid-19 bè sơ lơ tơnguh broă lơh rcang sơn dră kòp tàm dơ\ sa tềp bơhìan dà lơgar Tân Sửu 2021. Tàm dơ\ pơrjum, ală mpồl neh geh jơnau đơs, sồr sơlơ tơnguh broă lòt sền, sền gròi niam broă lơh rcang sơn dră kòp Covid-19, ngan là ală gùng dềt, gùng pờ tàm tiah nhàr lơgar rềp nhàr bal mờ lơgar Campuchia nàng pleh cau lòt gan tiah nhar lơgar tìs mờ kơrnoat boh lam mờ ală tiah geh ua\ làng bol tàm [òn dờng dờng rê tàm Dak Nông wă rò sơnam pa sa tềp bơhìan dà lơgar.

Đơs pơn du\t pơrjum, Kuang đơng lam bồ Ủy ban Nhân dân càr Dak Nông sồr tàm tơngai tus, ngan là dơ\ sa tềp bơhìan dà lơgar neh rềp ngan, ală mpồl lơh broă geh gơ noar sơlơ tơnguh broă lòt sền, sền groi krà` cê ală gùng dềt, gùng pờ tàm ală tiah nhàr lơgar. Ală kấp, ală gah sơnah lơh broă, ală tiah, làng bol lơh jat niam ală jơnau sồr bal bè rcang sơn dră kòp Covid-19, gàr niam broă wă rò sơnam pa sa tềp bơhìan dà lơgar Tân Sửu lơngap lơngai.

Cau mblàng K’ Hạnh