VOV4.K’ho – Pơrjum dờng cau ala mat Đảng bộ càr Dak Nông dơ\ 12 ngan ngồn geh mut lơh tàm drim do, ngai 15/10 mờ geh lơh tus jơh ngai hìng, 16/10. Pơrjum geh bơta tus bal bơh 349 nă cau ala mat ngan ngồn, ala mat rlau 26 rbô 500 nă đảng viên. Pơrjum geh tơngume “Tơnguh pràn jak đơng lam bồ bơh Đảng bộ dê; bơt bơtàu mpồl lơh broă chính trị sàng kloh, pràn kơldang, kơ\ kơljap; tơnguh nùs nhơm, bơta kơp kờ` brồ guh bơh ală jơi bơtìan kòn cau dê; ngui niam ală bơta pràn, bơta [uơn, lam Dak Nông bơtàu tơnguh mhar, kơ\ kơljap; sền gàr kơ\ dà lơgar, sền gàr lơngap lơngai; lơh ngan gơ gơs là càr bơtàu tơnguh dimơ mờ pràn tàm nam 2025 mờ càr bơtàu tơnguh niam tàm nam 2030 bơh tiah Tây Nguyên dê”. Pơrjum đal git broă rơndap lơh kuơmàng, jo\ tơngai: Tus nam 2030 bơt bơtàu càr Dak Nông gơs là tiah bơtàu tơnguh lơh sa ngac ngar mờ kơ\ kơljap bơh tiah Tây Nguyên dê. Tus nam 2045, lam Dak Nông gơ gơs là càr bơtàu tơnguh bơh tiah Tây Nguyên dê, geh pria\ lơh geh kờp bal jơnhua rlau mờ khà kờp bal bơh gùt lơgar dê.

Cau mblàng K’Duẩn