VOV4.K’ho - Poh lài,  anih duh broa\ làng bol càr Dak Nông  neh bơyai mut lơh broa\ lơh bơcri mờ yal tơngit  nhơl chờ, mờ bơta tus bal bơh git nđờ rhiang cau lơh sa ka\ bro tus bơh [òn dờng Hồ Chí Minh, ala\ càr tiah tàm gùl lơgar mờ Tây Nguyên. Do la tu\ nàng càr chul chồl lơh pràn bơtàu tơngguh nhơl chờ - dùl tàm 3  broa\ lơh pràn ngan bơh  lơh sa phan bơna càr dê jat kơrnuat bơh Mpồl đơng lam atbồ Đảng càr Dak Nông tàm tơngai tus, la lơh sa suơn sre công nghệ  cao, lơh sa mờ ma\y mok tơnhàu phan  kuơ tàm ù mờ nhơl chờ.

            Dơ\ pơrjum mut lơh broa\ lơh bơcri pria\ mờ yal tơnggih nhơl chờ càr Dak Nông nàng geh yal ala\ bơta pràn mờ kung tơngguh broa\ lơh bơcri geh cồng nha bơh ala\ khà pria\ nàng bơtàu tơngguh nhơl chờ đơs is mờ lơh sa mpồl bơtìan càr dê đơs bal.

            Dak Nông geh phan bơna ù tiah geh is niam bơne\, geh ua\ tơnau dà, njrùh dà dờng niam,  pơnrơ ngan  bè Dray Sap, Gia Long, Trinh Nữ, Liêng Nung, Dak Glun... Tiah sền gàr chi che brê bơnơm phan geh  is Tà Đùng, Tiah sền gàr  chi che phan geh is Nâm Nung dờng ơnàng, geh ua\ ngan tềl  tiah kah yau dà lơgar,  chài rgơi geh kuơ màng ngan. Do  kung la càr  geh rlau 40 jơi bơtìan oh mi kòn cau kis bal, mờ rài chài rgơi li la,  ua\  ngan, niam ngan. Tàm đah jum Tây Nguyên, càr Dak Nông bươn boài  ngan nàng geh lơh bal mờ [òn dờng Hồ Chí Minh,  tiah  jat rèng gah dà lềng tàm gùl lơgar mờ đah jum mat tơngai lik dà lơgar  kờ` bơtàu tơngguh nhơl chờ. Bulah bè hơ\,  mờ bơta bơh dùl càr pa cah is,  broa\ lơh nhơl chờ tàm Dak Nông gam êt ngan, phan  bơna gam rbah, phan broa\ lơh ơla gam  ờ ua\.

            Tàm dơ\ pơrjum, ala\ mpồl lơh sa ka\ bro lơh broa\ ka\ bro,  cau atbồ neh geh cri bơyai, cri bơyai sền wơl bè  bơta pràn mờ  tu\ geh tàm bơcri tàm Dak Nông. Tàm hơ\, geh mpồl phan nhơl chờ lòt sền, sền sơnơng chài rgơi,  mpồl phan nhơl chờ bơh phan bơna geh is mờ mpồl phan bơna nhơl chờ tàp pràn sa\ ja` ờ  git ngòt geh ala\  mpồl bơyai lơh nhơl chờ sền gròi ngan. Ồng Nguyễn Phi Bằng  atbồ sơne\ Vietravel tàm [òn dờng Buôn Ma Thuột, càr Daklak, đơs:“Bè pa do ala\ jơnau cih đơs kung bè ala\  ta\ pơ gồp  ala\ jơnau bơh ala\ mpồl lơh sa ka\ bro ndai den Dak Nông gam la càr geh  bơta pràn ngan. Dilah bol he lơh ngan chài lơh nàng geh ngui kung bè geh lơh bal jơh ala\ tiah ndai kung geh  tus mờ Dak Nông den gơ geh la anih àng nàng bơtàu tơngguh nhơl chờ. Ơm tàm bơnga\ la  mpồl bơyai lơh nhơl chờ den Dak Nông tềng đap mat kờ` bơcri bè kòn bơnus tài tềng đap mat Dak Nông bềng bơta pràn mơya gam kơnòm ngan,  ala\ bơta pràn  bè tu\ do den bol he kờ` pal bơcri mờ gơ hòi cau jak chài rê mờ Dak Nông”.

            Jat anih duh broa\ làng bol càr Dak Nông, bơh tu\ do tus nam 2020,  car kờ` pal sền gròi bơcri phan bơna nhơl chờ jat gùng geh dong lài, geh bơta tờm,  mờ lơh dơle\ bal. Tềng đap mat geh   dong lài bơcri lơh gơs phan bơna ala\ mpồl nhơl chờ tờm ngan bè blàng suơn nhơl rài bồ tơngoh Liêng Nung, tiah nhơl chờ phan bơna chi che geh is chài rgơi rài  kah yau Nâm Nung, tiah nhơl chờ phan geh is Tà Đùng, tiah nhơl chờ trồ tiah geh is nhjrù Dray Sap-Gia Long, ròt rgồng bơnơm ồs tiah Krông Nô. Bal mờ broa\ geh ngui broa\ lơh dong kờl lời tus mpồl lơh sa ka\ bro bơcri tàm Dak Nông, gah lơh broa\ geh gơnoar geh dong tơl ala\ bơta bươn boài kờ` geh ala\ mpồl geh bơyai lơh nhơl chờ tus sền,  lơh geh  broa\ lơh tour tàm [òn lơgar. Ồng Lê Diễn kuang atbồ đơng lam Đảng càr Dak Nông ai git,  càr geh lơh bal mờ ala\ tiah tàm Tây Nguyên, đah jum tàm gùl lơgar, [òn dờng Hồ Chí Minh nàng geh lơh bal bơtàu tơngguh nhơl chờ kơljap:“Dak Nông geh  ua\ bơta pràn kờ` lơh geh gơ hòi bơcri. Bol a` geh ala\ geh cih nàng lơh mbè lơi dong tơl bơta ai ala\ cau bơcri  tus bởci lơh bươn boài, bè broa\ lơh bè ta\ dia,  broa\ lơh bè ù tiah, dong kờl broa\ lơh sra\ nggal. A` pin la bơh tu\ do tus nam 2020 broa\ bơtàu tơngguh nhơl chờ  ai bơh bơt bơtàu phan bơna mờ bơto bơtê cau lơh broa\ neh  la 2 broa\ lơh   kuơ màng ngan  càr dê. Bal mờ hơ\ la  bơta nisơna bè lơh sa mờ ma\y mok tơnhàu phan bơna,  broa\ nhơl chờ,  broa\ lơh  geh ngui broa\ lơh sa suơn ste công nghệ cao   pờ geh gùng bơtàu tơngguh pa tus Dak Nông tàm tơngai tus”.

            Di tu\ do,  anih duh broa\ làng bol càr Dak Nông neh jàu kơrnuat broa\ lơh bơcri ai tus 4 mpồl lơh sa ka\ bro mờ kờp jơh khà pria\  dan cih mat la 362 tơmàn pria\. Ala\ mpồl  lơh sa ka\ bro tus  bơh [òn dờng Hồ Chí Minh jàu pà phan bơta kuơ mpồl bơtìan ai càr Dak Nông in mờ kờp pria\ geh tus rlau 123 tơlak pria\.

                                      Cau cih mờ yal tơnggit K’ Brọp