VOV4.K’ho –Drim òr, 30/10, mpồl yal jơnau tơngit bơhìan yau gùng Trường Sơn – Hồ Chí Minh mờ mpồl đơng lam Đảng càr Dak Nông bơyai lơh tơngkah 55 nam ngai ai lòt rê gùng kuơ màng đah tô – đah jum dà lơgar, gơl lòt gan đah jum Tây Nguyên tus tiah đah jum mattơngai lik dà lơgar.

 Jat jơng cồng nha pờ gùng kuơ màng Hồ Chí Minh bơh Mpồl 559 dê, bơh lồi nam 1959, ală mpồl B90, mpồl C200 mờ mpồl C270 neh geh crơng gơs, pơnjat tai pờ gùng gơl lòt gan đah jum Tây Nguyên mờ tiah đah jum mattơngai lik dà lơgar. Ngai 30/10/1960, gùng kuơ màng tiah đah tô – tiah đah jum dà lơgar gơl lòt gan do ngan ngồn geh ai lòt rê, pơgồp bơnah uă ngan tàm broă dong kờl tiah tam lơh đah jum dà lơgar in. Dơ\ tàm tìp bơh ală cau ling Trường Sơn dê geh lơh tàm nùs nhơm răm mhu\, kờ` yal wơl ală jơnau kah kir khin cha jak chài bơh ală nam nhai “ pờ gùng Trường Sơn dong klàs dà lơgar”. Do kung là tu\ kah ưn ngài ală cau neh chơt phi să, bơtàu tơnguh wơl nùs nhơm pơn ìơ să bơh ală nam nhai khin cha jak chài, tàm pơn jờng bal mờ gơp sơr lèt gan bòl glar, kal ke nàng geh rài kis ngap lơngai bè tu\ do.

                                                                 Cau cih mờ yal tơngit K’ Duẩn.