VOV4. K’ho - Tàm ala\ [òn làng bol kòn cau tàm kơnhoàl Tuy Đức, ]àr Dak Nông, ua\ ]au geh bơnga\ sùm chồl guh geh bơnga\ la ]au lam lài, lơh broa\ lài ngan tàm ala\ gah broa\ lơh. Lơh niam broa\ lơh hìu nha\, khi gam nhap nhar dong ala\ hìu nha\ rbah bè broa\ lơh sa. }au geh bơnga\ pin dờ` kung la cau geh mblàng pơlam, lam sồr làng bol tàm [òn làng mut lơh niam tơl gùng dà broa\ lơh bơh Đảng, adat boh lam bơh dà lơgar, bơtàu tơngguh lơh sa-mpồl bơtìan, gàr niam ngap lơngai [òn lơgar, dà lơgar, lơh geh niam bơta tam klac dờng jơi bơtìan. Nàng chồl guh rlau tai bè ta\ pơ gồp bơh cau geh bơnga\ pin dờ` tàm làng bol kòn cau, Dà lơgar kờ` pal geh tai ala\ broa\ lơh lam sồr di pal.

Bol a` tus còp [òn Bu Prăng 2A, ntum Quảng Trực, kơnhòal Tuy Đức, ]àr Dak Nông tàm ngai lồi nhai 1 jat sră kờp `hai lơgar he dê. Tơnơ\ ală ngai sa tềp, làng bol kòn ]au M’ Nông chờ hờp ngan tơrgùm mut tàm kàl lơh sa pa: bồm dà, sơngka sền gàr kơphe, pic tiêu. Hìu nhă bi ùr Thị Y’ Ran, ơm tàm bòn Bu Prăng 2A kung ờ ru ngan mờ 9 sàu kơphe tam pa, mờ suơn tiêu gam tàm tơngai pic plai. Bi ùr Thị Y’ Ran là cau ùr geh gơnuar kuơ màng ngan tàm mpồl bơtiàn làng bol kòn cau tiah nhàr dà lơgar do. Bulah gam kơ nòm să, mơya 4 nam lài, bi ùr neh geh làng bol pin dờn pồ lơh cau atbồ bòn. Ờ mìng jak broă hìu nhă, bi ùr Y’ Ran gam sền gròi niam broă bòn lơgar dê. Bơh pơlam làng bol càn priă nàng bơcri tam gơl chi tam, phan ròng, tus pơlam tơn làng bol in mut ngui bơta chài tàm broă lơh sa. Bơh broă lơh ngan ngồn, bi ùr pơ gồp bal mblàng yal ală gùng dà, broă lơh mờ adat boh lam, lam sồr làng bol tàm bòn săng ală bơhìan bơr ngơl gơla, sền gàr bơta niam chài rơ gơi. Ală broă lơh tryang tryồng bi ùr Thị Y’ Ran dê neh pơ gồp bơnah tam gơl uă ngan tàm [òn Bu Prăng 2A. Ờ gam hìu nhă jơgloh rơbah, làng bol jơh nùs tus bal tă pơ gồp bơta pràn bơt bơtàu [òn lơgar, bè lơh gùng lòt, bơ tơt rơ bòng dà, ngap lơngai ờ do ờ dă geh sền gàr niam, bi ùr Thị Y’ Ran đơs:“ A` pơn ìơ să ngan tài geh làng bol tàm bòn pin dờn pồ lơh cau atbồ bòn mơlà cau geh bơngă pin dờn. a` lơh ngan cèng jơh bơta pràn he dê nàng lam sồr làng bol tàm bòn mut lơh niam tơl gùng dà broă lơh bơh Đảng, adat boh lam dà lơgar dê, sền gròi bơtàu tơnguh lơh sa hìu nhă.”

Ồng Điểu Khươn, ơm tàm [òn Bu N’đơr, ntum Quảng Tâm, kơnhòal Tuy Đức kung là geh cau geh bơngă pin dờn geh làng bol sền ngềr ngan tài geh uă tă pơgồp jơh nùs tàm broă bơt bơtàu [òn lơgar. Bulah mìng là cau geh jơng tàm mpồl duh broă tề lam gùng dră bal [òn, mơ là mục sư yàng Tin lành, mơya ồng Điểu Khươn neh tă pơgồp uă ngan bơta pràn tàm broă mblàng yal, lam sồr làng bol ba` iat jơnau bơchồt, sền gròi bơtàu tơnguh lơh sa, kis niam lơh àng sơdah jơnau yàng. [òn Bu N’ Đơr tus tu\ do neh geh uă tam gơl, gùng lòt tàm [òn kơ\ niam, làng bol lơh nùs tă pơgồp bal bơt bơtàu [òn lơgar pa. Mờ ală cồng nha ngan ngồn, uă nam do, ồng Điểu Khươn bal mờ [òn Bu N’đơr geh pà uă khà jờng. Ồng dipal ngan là cau geh pơnrơ jak nàng cau tàm [òn in đòm jat. Ồng Điểu Khươn đơs:“ Bơh tu\ làng bol pin dờn den he pal lơh ngan, `hap `har rlau. Pơn yơu lòt lam sồr làng bol lơh jat gùng dà broă lơh bơh Đảng, dà lơgar neh jàu, bè broă lơh tơn jơh jơgloh tơmù rơbah, halà sền gàr ngap lơngai, ờ do ờ dă, tryang tryồng lơh broă sa nàng rài kis geh bơtàu tơnguh. Đơs bal, tàm do rài kis neh geh tơnguh niam, geh bè do den đơs ngan là chờ hờp ngan.”

Bơh pin dờ` pồ bơh làng bol dê, gùt kơnhòal Tuy Đức geh 42 nă cau geh bơngă pin dờ` tàm làng bol kòn ]au mờ tiah jat yàng. Ồng Đòan Lê Anh, kuang atbồ cơldu\ lơh broă kòn ]au kơnhòal Tuy Đức pà git, ală cau geh bơngă pin dờ` tàm làng bol kòn ]au kơnhòal dê neh geh ală tă pơgồp uă ngan tàm broă gàr niam ngap lơngai tàm [òn lơgar, ai geh bơta niam nàng gơnuar atbồ mut lơh niam ală srơh tàm [òn lơgar, chul chồl lơh sa, chài rơgơi, mpồl bơtiàn bơtàu tơnguh, pơgồp bơnah tơnguh niam rài kis tàm tơl bơta bơh làng bol dê. Ồng Đòan Lê Anh đơs là, dà lơgar pal geh kơrnuat, gùng dà dong kờl priă jền dipal, nàng pơnjờng di tu\ cau geh bơngă pin dờ`, tài jơh ală khi kung tus bal tàm broă lơh [òn lơgar dê mơya bơta dong kờl den 1 êt ngan, geh tu\ là ờ geh bơta dong kờl lơi. Mơya khi là ală bơta kuơ màng ngan. Ồng đơs:“ Cau geh bơngă pin dờ` tàm ală bòn bol a` đơs niam ngan, khi neh lơh jơh niam kơnòl mblàng yal, lam sồr làng bol tàm broă tam gơl chi tam, phan ròng, bơtàu tơnguh lơh sa. Kung bè lam sồr làng bol tàm broă lơh bơtàu tơnguh lơh sa, kung bè bơt bơtàu mpồl lơh broă gùng dră bal mờ rơndap broă lơh bơh Đảng mờ dà lơgar dê, dong broă lơh kòn cau ngai sơ lơ niam rlau.”

Mờ bơngă kuơ màng he dê, ală cau geh bơngă pin dờ` tàm ală [òn làng bol kòn ]au tàm kơnhòal Tuy Đức, ]àr Dak Nông gam tă pơgồp jơh nùs, pơgồp bơnah bơt bơtàu tiah nhàr lơgar ngai sơ lơ pas gơs, pràn kơldăng.

                                                }au mblàng K’ Duẩn