VOV4.K’ho- UBND càr Dăk Nông pa bơyai lơh Pơrjum sền wơl bơh sơnrờp broă lơh lơh niam wơl sră nggal 6 nhai bồ nam mờ gùng dà broă lơh 6 nhai lồi nam 2019, ồng Nguyễn Bốn Chủ tịch Ủy ban Nhân dân càr Dăk Nông sồr ală gah, ală tiah pơn jat tai lơh niam broă lơh bơto bơtê, tơnguh uă jơnau gi\t wă broă lơh ờs mờng ai kuang bàng, công chức in, pơ gồp bơnah tơnguh uă cồng nha broă lơh lơh niam wơl sră nggal.

Chủ tịch UBND càr Dăk Nông kung sồr Sở Thông tin mờ Truyền thông geh ală jơnau sền swì loh làng tàm broă đòm jat ngui măy mok yal tơngi\t jơnau tàm ală anih lơh broă, tiah he dê. Sở Lao động Thương binh mờ Xã hội pal geh rơndăp broă lơh bơto broă lơh nàng ai mpồl cau lơh broă geh bồ tơngoh jak ai ală mpồl lơh sa kă bro tàm càr in…

Kung tàm Pơrjum, ală kuang bàng neh iăt yal mờ cribơyai bè gùng dà broă lơh lơh niam wơl, tơnguh uă khà kờp lơh niam wơl sră nggal tàm nam 2019; bàr pe gùng dà broă lơh tơnguh uă pràn jak tàm pơrlòng kấp càr Dăk Nông nam 2019…

Cau mblàng Lơ Mu K’Yến