VOV4.K’ho - Tàm sùm 2 rài tam lơh ai geh bơta ngăp lơngai is mờ tơr gùm dùl dà lơgar, làng bol kòn cau Sơdàng tàm ntum Đak Ui, kơ nhoàl Đak Hà, càr Kon Tum dùl nùs dùl tồr lòt jăt Đảng, jăt Bác Hồ khin cha kơ\ dơn nùs nhơm, ko\ng jơh ală bòl glar kal ke phi să lơh gơs ală dơ\ tam lơh pha lin dờng. Nam 1971, ntum Đak Ui geh Gơnuar atbồ lơgar ka] màng ing lơgar Đah jum Việt Nam pà jờng sră jờng rơ dờng màng ngan: Mpồl ling klàng làng bol khin cha jak chài. Cih tai sră cih jờng rơ jơnau khin cha jak chài tam lơh pha lin, 40 nam tơ nơ\ ngai tơngklàs, Đak Ui gam kơ\ kơl jăp mờ bơngă pa.

Tàm gùl nhai prang Tây Nguyên, ala\ blàng sre lơh kòi kàl prang gam dờng sền gơs tơlir crư ngan, dờng ơnàng ngan jo\ jòng bơh bồ tus lồi ntum Đak Ui. E\t ngan cau lơi sơnơng blàng sre do, 40 nam lài la tiah tam lơh ]ui r]ai ngan.

Dờng sa\ neh mờr dùl rhiang nam, mat sền bơh cau khin cha jak chai A Tranh, dùl tàm ala\ cau sa\ tờm tus atbồ làng bol Đak Ui lơh [òn tam lơh,  gam sùm go\ geh bơta chờ hờp tu\ geh đơs bè rài kis tu\ do:“Pơndrờm mờ lài, làng bol tu\ do neh hờm ram, chờ ngan, geh chờ ngan. Geh hìu bơsram nàng lòt bơsram.Gùng lòt niam ngan. Làng bol pin dờ` ngan tàm Đảng, pin dờ` tàm ka] màng”.

Cih kah tai jơnau khin cha jak chài jai pha, bơh tàm rài tam lơh, 40 nam do, mpồl đơng lam Đảng, gơnuar atbồ mờ làng bol ntum Đak Ui neh lơh geh ua\ ngan cồng nha pa. Bơh tềng làng bol gùt nam sùm jơgloh den tu\ do mờ kờp jơh ba\  ù lơh sa geh mờr 600 lồ kòi sre, rlau 800 lồ bùm geh ngui ala\ sơntìl geh cồng nha ua\ ngan, phan sa geh kờp bal tơl na\ cau bơh ntum dê la 500 kg tàm dùl na\ cau, tàm dùl nam. Làng bol Đak Ui gam geh mờr 300 lồ kơphe, rlau 700 lồ bời lời, mpồl phan ròng dờng 4 rbô nơm, geh ta\ pơ gồp bơtàu tơngguh kờp bal geh tơl na\ cau la geh tus 19 tơlak pria\ dùl nam. Tu\ do, mờ ua\ ngan gùng lòt neh tus hờ 11 [òn tàm ntum neh geh lơh mờ chài, bê tông, hìu bơsram, hìu sơnơm, ua\ broa\ lơh bơtơt rbòng dà neh geh Đảng, Dà lơgar bơcri lơh, rlau 5 rbô làng bol tàm ntum Đak Ui, mờ ua\ ngan la làng bol kòn cau Sêdang geh pin dờ` ngan bơt bơtàu [òn lơgar pa. Bi U Lễ kis tàm [òn Kon Poong pah nam geh rlau 100 tơlak pria\ bơh kơphe ai git:“Kờ` sơng ka sền gàr nàng gơ niam den he pal bơcri tuh ala\ bơta phơng. Phơng tuh den pal di tơngai, di tu\ nàng gơ geh cồng nha hơ\ sồng jơnhua. Làng bol tu\ do,  bơcri tàm chi tam  jo\ sơnam den la ua\ ngan, geh kờp bal jơnhua ngan”.

Nàng geh dùl Đak Ui hờm ram, bơtàu tơngguh bè tu\ do,  sùm tàm ala\ nam tam lơh, 98% na\ cau bơh ntum neh khin cha chơt phi sa\, git nđờ rhiang làng bol neh chơt sa\. Mờ bơta kơp kờ` dờng ngan la dà lơgar geh ngap lơngai, khat gơboh, làng bol Đak Ui gam geh ta\ pơ gồp ai dơ\ tam lơh rlau 400 na\ cau lòt dân công, rlau 7.700 sơ\ kòi, 10 tấn tơngời, rlau 1 tơlak tờm bùm blàng…Jat ồng Trần Trường Giang kuang jat jơng atbồ atbồ mpồl đơng lam Đảng ntum, nàng  di pal mờ bơhìan khin cha jak chài, broa\ lơh bơt bơtàu Đak Ui pràn rlau gam gơ gơs la bơta kơrnuat tus mờ mpồl đơng lam Đảng mờ gơnuar atbồ [òn lơgar:“Chồl guh bơhìan ka] màng, Mpồl đơng lam Đảng, gơnoar atbồ ntum Đak Ui geh tơlik ờ ua\ broa\ lơh. Tam jàu rhời ờ ua\ ba\ ù tiah chi tam ờ geh cồng nha bè bùm blàng gơs tam chi tam jo\ sơnam nàng bơtàu tơngguh rài kis bơh làng bol. Geh ngui ờ ua\ cồng nha jak chài pa tàm lơh sa. Mut lơh dùl ròt ala\ broa\ lơh mpồl bơtìan geh lơh bal bơto bơtê mờ bơsram nàng bơtàu tơngguh khà git sra\ làng bol, bơto bơtê cau lơh broa\ lơh broa\ tơnơ\ do. Lơh ngan tàm tơngai tus tơmù khà hìu nha\ rbah gơmù gam hờ đơm 7%. Pơnjat tai bơtàu tơngguh bơta pràn gùt mpồl đơng lam đảng kung geh cồng nha atbồ bơh gơnuar atbồ [òn lơgar”.

Pah nam sùm tus ngai 16/3, cau Sêdang tàm Đak Ui geh pờ chờ Kon Tum, chờ Đak Ui tơng klàs. 40 nam do,  gơ ya pơnrơ bơh jơnau cing chờ  jai pha bơh cau Sêdang tàm do gam sùm, pơnjat tai geh sùm lời kòn sau tơnơ\ do in. Cau mờ ù tiah Đak Ui khin cha jak chài gam cih tai jơnau  khin cha jai pha tam lơh.

                                                                      }au mblàng K’ Brọp